Ahkyak yang sai Ni ai da

Yup Seng Ing
September  Yangon, Myanmar ·


Yawng gaw Ma Kaw jan USA mung de Sa di Myen Mung aq matu galaw Lai wa sai amu hpe garu taw nga ma ai.

Shi hku na Myen mung hpe kaning rai lahkam Woi na ngu gaw shi hte shi aq ni nawn ai Myen manang ni Sha chye Na re.

Anhte Myusha ni gaw 2nd class citizen hkrai byin taw Ai. Tsun mayu ai gaw, moi mung Ja wa hpe Madat hkra galaw ra Ai. Ya mung Ma Kaw jan hpe Madat hkra shani ra Ai. N-Dai zawn re gam maka hpe n-galai yang prat tup anhte gaw "defense" maga de re taw nga Na re.
Shi galaw mat Ai yawng gaw Kachin ni aq matu Grai tsang ra Ai. Dai majaw anhte yawng gaw ya ten Baw Sang Kru hpe register galaw Na lam hta na grau ahkyak dik gaw Myen Mung aq lapran hta Gwi Gwi shang tsap lu ai amyu Kaba tai na re nga Ai.

Atsam rawng ai, Ningja rawng ai, Tsun gwi ai, Marai rawng ai shinggyim langai hkrai lata ra Ai aten re.

Myit hkrum yang she Ndai "talent pool" pru wa Na re. Masha mung law law pru wa Na re. Garan taw yang n-gun yawm mat Na re.

Garu taw yang mung Ga sha jan mat Na re. Dai majaw "next step, action" hpe jawm myit let n-dai lam hpe Gwi Gwi a-dawt ga.

Ma Kaw Tsun ai Ga hpe bai Jai Lang ga "without the support of the people nothing will happen". Anhte dum ra ai gaw dai "people" Gaw Anhte re majaw, Anhte aq gam Maka mung Anhte aq lata Kaw re nga ai.

Ahkyak yang sai ni ai ngu majaw ya ten Sai n-ni hkat yang galoi...?
Anhte aq Kachin People Conference galoi galaw Na kun? 

Lawan dik ai hku Hkrang shapraw shangun mayu ga ai.

myusha lam hta
Yup seng Ing