16/2/2016
" ညီညွတ်ရေးနဲ့ အသက်ရှည်ရှည် ခင်ခင်မင်မင်
လက်ရေတပြင်တည်း ဒေါင်းလန်းကြီးရဲ့အလယ် "
ဟူသော မြန်မာ့ရိုးရာဓလေ့ သီချင်းတစ်ပုဒ်ကို ငယ်စဉ်ကထဲက
နားထဲစွဲခဲ့သော်လည်း လက်တွေ့တွင် နှီးဒေါင်းလန်းနှင့်ဝိုင်းဖွဲ့၍
စားသောက်ကြသော မြန်မာမိသားစုများကို မြန်မာတစ်ယောက်
ဖြစ်သော ကျနော် မကြုံတွေ့ခဲ့ မမြင်ဘူးခဲ့ပါ။ သို့ပေမဲ့ တရံရော
အခါက မုန်းစီး နားလယ်ဒေသ မုန်းပေါ်လေးကွင်း အပေါ်ရှိ
ဆိုက်ခေါင်ဟုခေါ်သော ပလောင်ရွာကြီးတွင် ပလောင်မိသားစု
သားအမိ သားအဖ လေးယောက် နှီးဒေါင်းလန်းတစ်ခုတွင်
ထမင်း ဟင်းများထည့်၍ ဝိုင်းဖွဲ့စားသောက်နေကြသည်ကို
တအံ့တသြ ငေးမောရင်းလက်တွေ့ ကြုံခဲ့ဘူးပါသည်။
( က ) တအန်း
မြန်မာများက တရုတ်ဟုခေါ်သော တရုတ်များက သူတို့ဘာသာ
စကားဖြင့် ဟန်လူမျိုးဟုခေါ်ပါသည်။ မြန်မာတို့က ရှမ်းဟုခေါ်သော
ရှမ်းများက သူတို့ဘာသာစကားဖြင့် တိုင်း လူမျိုးဟုခေါ်ပါသည်။
အလားတူပင် မြန်မာတို့က ပလောင်ဟုခေါ်သော ပလောင်များက
သူတို့ဘာသာစကားဖြင့် တအန်းလူမျိုးဟုခေါ်ဆိုကြပါသည်။
တကယ်တော့ မြန်မာသံဖြင့် အန်းဟူသောအသံထွက်မှာ မတိ
ကျပါ။ တကယ်တော့ အန်းနှင့် အောင်းကြားထဲကအသံဖြစ်သည်။
ထို့ကြောင့် တအာင်း ဟူ၍ လည်းရေးကြပါသည် ။ သို့သော်
ကျနော် အနေနဲ့ မြန်မာဗျည်းသရအတွဲအရ အနီးစပ်ဆုံးအဖြစ်
တအန်းဟူ၍ ရေးသားဖေါ်ပြသွားပါမည်။
( ခ ) ပလောင်တို့ဌာနေ
ပလောင်တိုင်းရင်းသားတို့ အဓိကစုစည်းနေထိုင်ရာဒေသမှာ
ရှမ်းပြည်မြောက်ပိုင်းတွင်းဖြစ်သည် တောင်ဘက်တွင် မိုးမိတ်
မိုးကုတ် ကျောက်မဲ သီပေါ နယ်အစပ် အရှေ့ဘက်တွင် လားရှိုး
မိုင်းရယ် သိန္နီ မြောက်ဘက်တွင် ကွတ်ခိုင် မူစယ် နန့်ဖတ်ကာ
အနောက်ဖက်တွင် ရွှေလီမြစ်အကြားရှိ တောင်တန်းဒေသများတွင်
ပလောင်အများစု စုစည်းနေထိုင်ကြပါသည်။
ထို့ပြင် လားရှိုး မူစယ်ကားလမ်းနှင့်တရုတ်နယ်စပ်ကြား အပြင်
ကိုးကန့်ဒေသတွင်လည်း ပလောင်များနေထိုင်ကြသည်။ ထို့ပြင်
မိုင်းလုံ မိုင်းရှူး မိုင်းကိုင် ကလော ရပ်စောက် မြို့နယ်များတွင်
လည်း ပလောင်တိုင်းရင်းသားကျေးရွာများကို ပျံ့နှံ့နေထိုင်ကြသည်။
အထက်တွင်ဖေါ်ပြခဲ့သည့်အတိုင်း ပလောင်တိုင်းရင်းသားများ
အများစု စုစည်းနေထိုင်ကြသည်မှာ နမ်ဆန် မန်တုန် နမ့်ခမ်း
မူစယ် ကွတ်ခိုင် တာမိုးညဲ လားရှိုး သီပေါ နမ္မတူ ကျောက်မဲ
မိုးကုတ် မြို့နယ်များတွင် ဖြစ်သည် ။
နမ့်ဆန်သည်ကား ပလောင်တို့အတွက် အချက်အခြာ မြို့ ဖြစ်
၏။ ယခင်အခါကထဲ ပလောင်တောင်ပိုင်စောဘွား ဟော်နန်း
စိုက်ရုံးစိုက်ရာဖြစ်သလို ယခု ၂၀၀၈ ခြေဥ အရ ပလောင်ကိုယ်
ပိုင်အုပ်ချုပ်ရေးမြို့နယ်ရုံးစိုက်သည် ။ နမ့်ဆန် နှင့်မန်တုန်တို့
ကို ပလောင်ကိုယ်ပိုင်အုပ်ချုပ်ရေးမြို့များအဖြစ် သတ်မှတ်
ထားသည်။ သို့သော် ယင်းမြို့နယ်နှစ်ခုနှင့်ဆက်စပ်နေသော
နမ့်ခမ်း မူစယ် ကွတ်ခိုင် လားရှိုး သီပေါ ကျောက်မဲ မိုးမိတ်
မိုးကုတ် မြို့နယ် ပလောင်တိုင်းရင်းသားရွာများ တဆက်စပ်ထဲ
တည်ရှိနေသည်။
( ဂ ) ပလောင်တိုင်းရင်းသားမျိုးနွယ်စုများ
ဝ ဖြစ်စေ ရှမ်းဖြစ်စေ ကချင်ဖြစ်စေ ပလောင်ဖြစ်စေ တိုင်းရင်း
သား လူမျိုးတိုင်းတွင် မျိုးနွယ်စုများပါဝင်ဖွဲ့စည်းထားကြသည်။
တောင်တန်းဒေသအတွင်း လမ်းပမ်းဆက်သွယ်မှု ခက်ခဲခြင်း
များကြောင့် မျိုးနွယ်စုများကြား ကူးလူးဆက်ဆံရန် ရှေးအချိန်ခါ
က ခက်ခဲသည်ဖြစ်ရာ မျိုးနွယ်စုအလိုက် ဘာသာစကား လေယူ
လေသိမ်း အနဲငယ်ကွဲပြားမှုရှိသည်။
ရှမ်းတိုင်းရင်းသားများတွင် တိုင်းလုံ တိုင်းမောဝ် တိုင်းလေ
တိုင်းခုန် တိုင်းဝမ် စသဖြင့် မျိုးနွယ်စုများကွဲပြားသကဲ့သို့ တအန်း
ပလောင်လူမျိုးများတွင်လည်း ကတူရ် ကွမ်ဟယ် တောင်မ
ရူမိုင်း ရူစိင် ရူကော ရူဂွါ ရူခူ ရူပိုး ရူမောဂ် ရူလောင် ရူလျဲင်
ရူနော့ ရူဗျန်င် ငွန်ရောက် မန်နိန် စသဖြင့် မျိုးနွယ်စုများစွာရှိ
သည် ။ မျိုးနွယ်စုများအကြား ဘာသာစကားအနဲငယ်ကွဲပြား
သော်လည်း ဆက်ဆံပြောဆိုမရလောက်သည်အထိတော့
မကွဲပြားချေ ။ ယနေ့ခေတ် ကူးလူးဆက်ဆံမှုများလာလေ ဘုံ
တူညီသော ဘာသာစကားထွက်လာသလို ပလောင်စာကိုလည်ုး
အသုံးပြုလာနိုင်ပြီဟုဆိုသည်။
မည်သို့ပင် မျိုးနွယ်စုများကွဲပြားသည် ဆိုသော်ငြားလည်း
ပလောင်အမျိုးသားတို့ ၏ ဝတ်စားဆင်ယင်မှုမှာ တပုံစံထဲ
ဖြစ်ပြီး ပလောင် အမျိုးသမီးတို့၏ ဝတ်စားဆင်ယင်မှု မျိုးနွယ်စု
အလိုက် အနဲငယ်ကွဲပြားကြသည်။ ဟာသနှော၍ ပြောရမည်
ဆိုလျင် ပလောင်အမျိုးသမီးတို့သည် အခြားလူမျိုး အမျိုးသမီးများ
ကဲ့သို့ပင် အမျိုးသားများထက် ဖက်ရှင်အမြင်ရှိသည်ဟု ဆိုရ
ပေမည် ။
( ဃ ) လူဦးရေ စီးပွါးရေးနှင့် ကိုးကွယ်သည့်ဘာသာ
တိကျသော စာရင်းအင်းများမတွေ့ရှိပါ ။ ၂၀၁၄ ကကောက်ခံ
ခဲ့သော သန်းခေါင်စာရင်းမှာ လည်း ယခုတိုင်မထုတ်ပြန်သေးပါ။
လဝက ဝန်ကြီး ဦးခင်ရီ ယခုရက်ပိုင်းပြောကြားချက်အရ တိုင်း
ရင်းသားမျိုးနွယ်စု ၁၃၅ မျိုးမကဘဲ ၃ ဆလောက်ပိုများသည်ဟုဆို
နေပေရာ တိုင်းရင်းသား လူမျိုးများ၏ မျိုးနွယ်စုများကို ထပ်မံ
ခွဲခြားဖေါ်ပြသည့် စာရင်းဇယားတစ်ခု ထွက်လာဘွယ်ရှိသည်ဟု
ဆိုရပေမည်။
မည်သို့ဖြစ်စေ ပလောင်တိုင်းရင်းသားတို့က ပလောင်မျိုးစုဝင်
အားလုံး လူဦးရေ ၅ သိန်း မှ ၇ သိန်းထိရှိနိုင်သည်ဟု ခန့်မှန်း
တွက်ချက် ပြောဆိုကြပါသည်။
နမ့်ဆန် မန်တုန် တဝိုက်ရှိ ပလောင်များ၏ အဓိကစီးပွါးရေး
မှာ လဘက် ဖြစ်သည် ။ အခြားဒေသများရှိ ပလောင်များ၏
အဓိက အသက်မွေးဝမ်းကြောင်းမှာ တောင်ယာစိုက်ပျိုးခြင်း
ဖြစ်သည် ။
မြန်မာပါးစပ်ရာဇဝင်တခုအရ အလောင်းစည်သူမင်းတိုင်း
ခန်းလှည့်လည်စဉ်က ပလောင်လူမျိုးတို့စိုက်ပျိုးလုပ်ကိုင်ရန်
လဘက်မျိုးစေ့ကို ပေးသနားခဲ့သည်ဟုဆို၏ ။ လက်တွေ့ကျကျ
ပြန်လည် စဉ်စားကြည့်ရလျင် မြေပြန့်တွင် မဖြစ်ထွန်းသော
အပင်မျိုးကို မြေပြန့်ဘုရင်တစ်ယောက်က မည်ကဲ့သို့ရှာပေးမည်
နည်း ။ ဖြစ်နိုင်ဘွယ်ရာ မရှိချေ။ ဖြစ်နိုင်ဘွယ်ရာ ယူနန်ပြည်နယ်
တောင်တန်းများမှတဆင့် လဘက်စိုက်ပျိုးရေး ပျံ့နှံ ရောက်ရှိ
လာသည်ဆိုက ယုတ္တိတန်ပေဦးမည်။
များသောအားဖြင့် ပလောင်ကျေးရွာများသည် မြင့်မားသော
တောင်ထိပ်များတွင်ရှိကြပြီး ယင်းတောင်ကိုအခြေပြု၍ လဘက်ခင်းများ တောင်ယာများစိုက်ပျိုး၍ အသက်မွေးဝမ်း
ကြောင်းပြုကြသည် ။ နမ့်ခမ်းအနီးပေါ်လာလိုက်သေးသော
ပြင်လုံရတနာမြေ ဆိုသည်မှာ ရွှေလီမြစ်ဘေး တောင်ထိပ်တွင်
ရှိသော ပြင်လုံ ပလောင်ကျေးရွာအနီး၌ ဖြစ်သည်။ ခေတ္တသာ
တူးဖေါ်နိုင်ခဲ့ပြီး ဒေသခံ ပလောင်တို့ မည်သည့်အကျိုးဖြစ်ထွန်း
မှုမှ မရလိုက်ကြပါ။
ပလောင်တိုင်းရင်းသားတို့သည် ဗုဒ္ဓဘာသာဝင်များဖြစ်ကြသည်။
မြင့်မားတောင်ထိပ်ရှိ ပလောင်ရွာကြီးများတွင် ဟီးနေအောင်
ဆောက်လုပ်ထားသည့် ဘုန်းကြီးကျောင်းကြီးများကိုတွေ့ရှိ
နိုင်သည် ။ ဘာသာရေးကိုင်းရှိုင်းကြသည်။ မိမိအိမ်သို့လာ
ရောက်သည့်ဧည့်သည်များအား ဖေါ်ရွေ ပြူငှါစွာဖြင့် ဧည့်ဝတ်
ကျေပြွန်တတ်ကြသည်။
သို့နှင့် ရှမ်းပြည်မြောက်ပိုင်းရှိ တောင်တန်းများပေါ်တွင် ရိုသား
ဖြူစင်သော ဘာသာရေးကိုင်းရှိုင်းသော ပလောင်တိုင်းရင်းသား
တို့သည် စိုက်ပျိုးရေးအသက်မွေးဝမ်းကြောင်းဖြင့် ဘဝကို ရုန်းကန်
ဖြတ်သန်းနေကြပေသည်။ သို့သော် သူတို့နယ်မြေကား လက်ရှိ
ကာလတွင် မငြိမ်းချမ်းနိုင်သေး။ စစ်မီးတောက်လောင်လျက်ရှိ
နေပေသည်။
( င ) စာပေ ယဉ်ကျေးမှု
တအန်းစာပေနှင့်ယဉ်ကျေးမှုကော်မတီကို ၁၉၇၃ မှ ယနေ့အထိ တရားဝင် မှတ်ပုံတင်ဖွဲ့စည်းထားပြီး စာပေနှင့်ယဉ်ကျေးမှုလုပ်ငန်း များကို ပလောင်လူမျိုးများရှိရာ
မြို့နယ်တိုင်းတွင် တက်ကြွစွာ လုပ်ဆောင်လျက်ရှိသည်ဟုဆို၏။
တအန်းလူမျိုးတို့၏ ဘုံစာအဖြစ်အသုံးပြုနိုင်ရန် တအန်းစာပေ
ကို မျိုးနွယ်စု အားလုံး၏ သဘောတူညီချက်ဖြင့် ပြုစုနိုင်ခဲ့ပြီး
အသုံးပြုခဲ့သည်မှာ နှစ်ပေါင်းသုံးဆယ်ကျော်ပြီဟုဆိုပါသည်။
တအန်းစာပေတွင် ဗျည်း ၃၄ လုံးရှိသည်ဟုဆိုပါသည်။
နောက်ပိုင်းတွင် တအန်းအမျိုးသမီး အဖွဲ့အစည်းများလည်း
ပေါ်ထွက်လာသည်ကိုတွေ့ရသည်။
( စ ) နမ့်ဆန် တောင်ပိုင်စော်ဘွား
အစဉ်အလာအရ ပလောင်ဒေသ ပလောင်လူမျိုးတို့ကို နမ့်ဆန်
တောင်ပိုင်စော်ဘွားအုပ်ချုပ်သည်။ မိုးမိတ်စော်ဘွား သီပေါစော်ဘွား
သန္နီစော်ဘွားတို့၏ အလယ်၌ နမ့်ဆန်တောင်ပိုင်စောဘွား၏နယ်
ရှိသည်။ မြန်မာဘုရင်လက်ထက်မှာရော အင်္ဂလိပ်သိမ်းပိုက်
အုပ်ချုပ်စဉ်ကာလမှာရော နမ့်ဆန်တောင်ပိုင်စောဘွား၏ အုပ်
ချုပ်မှု ကို အခြားရှမ်းပြည်စောဘွားများကဲ့သို့ပင် အသိမှတ်
ပြု ဆက်ဆံခဲ့ကြသည်။
နမ်ဆန်တောင်ပိုင်စော်ဘွား၏ လက်အောက်တွင် မြို့စား
ပူကန်ခေါ် ဒိုင်နယ်မှူး ပူကျယ်ခေါ် ရွာသူကြီးများဖြင့် အဆင့်ဆင့်
ဒေသန္တရအုပ်ချုပ်ရေးကို ပလောင်လူမျိုးများကိုယ်တိုင် အုပ်ချုပ်
လာခဲ့ကြသည်။ နမ့်ဆန်တောင်ပိုင်စောဘွား၏ ပိုင်နက်တွင်
နမ္မတူဘော်တွင်းလည်းပါသည်ဖြစ်ရာ ဘော်တွင်းကုမ္ပဏီမှ
တောင်ပိုင်စော်ဘွားအား အခွန်ဆက်သရသည်ဟုဆိုပါသည်။
မြန်မာပြည်လွတ်လပ်ရေးရအပြီး စော်ဘွားများ အာဏာစွန့်ချိန်
နောက်ဆုံး နမ့်ဆန်တောင်ပိုင်စော်ဘွားမှာ ၁၆ ဦးမြောက်စော်ဘွား
ဖြစ်သူ စဝ်ခွန်ပန်းစိန်ဖြစ်သည်။ ယနေ့တိုင် တရားခံမပေါ်နိုင်သေး
သည့် ရန်ကုန်မြို့ စိမ်းလဲကန်သာ ၅ လောင်းပြိုင်လူသတ်လုယက်
မှုတွင် ပါဝင်သွားသူများမှာ စဝ်ခွန်ပန်းစိန်၏သားလင်မယားဖြစ်
ကြသည်ဟုဆိုပါသည်။
တအန်း ပလောင် လူမျိုးများ၏ နောက်ဆုံးစော်ဘွားဖြစ်သူ
ခွန်ပန်းစိန်သည် ပင်လုံစာချုပ် ချုပ်ဆိုရေး ဦးဆောင်လှုပ်ရှား
ရာတွင် ပါဝင်ခဲ့ပြီး ဗိုလ်ချုပ်အောင်ဆန်း၏ လွတ်လပ်ရေး
ကြိုးပမ်းမှုအား တဖက်တလမ်းမှ အားဖြည့်ပေးခဲ့သည်ဟု
ဆိုပါသည်။
နမ့်ဆန်တောင်ပိုင်စောဘွား၏ ဟော်နန်းမှာ ယနေ့တိုင်ရှိနေ
သေးပြီး နမ့်ဆန် ဒေသ်ဦစီးရုံးပြုလုပ်ထားသည်ဟုဆိုသည်။
တကယ်တော့ တောင်ပိုင်စော်ဘွားဟော်နန်းဆိုသည်မှာ တအန်း
ပလောင်အတွက် သာမန်အဆောက်အဦးတစ်လုံး မဟုတ်ပေ။
တအန်းပလောင်တို့၏ အမျိုးသားရေး လက္ခဏာကို ဖေါ်ပြသော
အဆောက်အဦးဖြစ်၍ ထိမ်းသိမ်းသင့်ပေသည်။ နဝတ တက်ခါစ
ကလည်း ကျိုင်းတုံစော်ဘွားဟော်နန်းကိုဖျက်၍ ယခုတော့
ဟိုတယ်ဆောက်လိုက်သည်ဟုကြားရသည်။ ဤလုပ်ရပ်သည်
ရှမ်းတိုင်းရင်းသားတို့၏ ရင်ထဲသို့ ဆူးတစ်ချောင်း စူးဝင်စေခဲ့
ပါသည်။ မြန်မာတို့၏ မန္တလေးနန်တော်ဟောင်းကိုဖြိုချပြီး
ဟိုတယ်ဆောက်မည်ဆိုက မြန်မာတို့ခံနိုင်မည်မဟုတ်ပေ။
မန္တလေးနန်းတော် မြို့ရိုးကြီးသည် မြန်မာတို့၏ အမျိုးသားရေး
လက္ခဏာကိုဖေါ်ပြသည်။ အလားတူ တိုင်းရင်းသားတို့၏
ဟော်နန်းများသည်လည်း သူတို့၏ အမျိုးသားရေးလက္ခဏာကို
ဖေါ်ပြနေသည်ကို ကိုယ်ချင်းစာနာ သတိပြုကြရန်လိုအပ်သည်။
( ဆ ) မြို့ပေါ် ပလောင်နိုင်ငံရေးအဖွဲ့အစည်းများ
ပထမဆုံး ပလောင်နိုင်ငံရေးအဖွဲ့အစည်းကို ၁၉၄၆ တွင်
စတင်ဖွဲ့စည်းခဲ့ပြီး ပါလီမန် ဒီမိုကရေစီ တခေတ်လုံး လှုပ်ရှား
ခဲ့သော်လည်း ၁၉၆၂ စစ်တပ်က အာဏာသိမ်းပြီးနောက် ဖျက်သိမ်း ခံလိုက်ရသည်။
၁၉၈၈ အရေးအခင်းပြီးနောက်ပိုင်း ပလောင်အမျိုးသားဒီမို
ကရေစီအဖွဲ့ချုပ်ကို ဖွဲ့စည်းတည်ထောင်ခဲ့ပြီး ၁၉၉၀ ရွေးကောက်
ပွဲတွင် ပါဝင်ယှဉ်ပြိုင်ခဲ့ရာ နမ့်ဆန် နှင့် ကွတ်ခိုင်မဲဆန္ဒနယ်တို့တွင်
အနိုင်ရရှိခဲ့ကြသည်။ သို့သော်နောက်ပိုင်းတွင် ၁၉၉၀ ရွေးကောက်
ပွဲရလဒ်အား စစ်အစိုးရက အသိမှတ် မပြုရုံမက ပါတီလည်း ဖျက်
သိမ်းခံလိုက်ရသည်။
၂၀၁၀ ရွေးကောက်ပွဲတွင် လက်နက်စွန့်ခဲ့သူ ယခင် PSLO/
PSLA ခေါင်းဆောင်ဟောင်းများ ဖွဲ့ထားသည့် TNP ခေါ် တအန်း
အမျိုးသားပါတီက ဝင်ရောက်ယှဉ်ပြိုင်ခဲ့ရာ အမတ်နေရာ ၆ နေ
ရာ အနိုင်ရခဲ့သည်။ နမ့်ဆန် ပလောင်ကိုယ်ပိုင်အုပ်ချုပ်ရေး
ဒေသဦးစီးအကြီးအကဲမှာ TNP မှ ဦးမောင်ကျော် ဖြစ်သည်။
ဆက်လက်ဖေါ်ပြပါမည်
photo credit Mungdungla Wawhkyung
