Majan 4 ning hpring ladu hkrum nhtoi a matu tau hkrau hkyen lajang ga

Hkungga ai Myit Rum ni yawng,

Majan 4 ning hpring ladu hkrum nhtoi hta, mungkan ting na Wunapwng myu sha ni yawng shamu shamawt lu na matu ya aten kaw nna hkyen lajang bang wa saga ngu saw lajin dat mayu nngai.

1. Yangon mare kaba kaw du nga ai Wunpawng Ramma ni yawng, 10 May 2015, Noon time 12:00 kaw nna, Kachin Women Peace Network a rung gaw, 3rd Floor, 22nd Kyan Khin Street, (Off Baho Road) Gwa Zay makau, San Chaung township kaw alu sha du sa nna, dai shani e, Yangon kaw gara hku shamu shamawt mai ai jawm bawngban ga. (Laban shana de Ramma hpawng nga ai majaw). Myitsu Salang hte Hpawmi ni gaw, shana de 3 PM daram hta bai sa jawm shang lawm yang, ramma ni woi awn galaw na lamang ni hpe, anhte gara hku shanglawm, garum lu na hpe chyeju na re, ngu myit mada da nngai.

2. Myanmar mungdan shara shagu e nga ai Wunpawng ni yawng mung, tinang a du nga ai shara shagu kaw woi awn galaw sa wa ga, ngu,. saw lajin mayu ngai nngai.

3. Maigan shara shagau kaw du nga ai wunpawng ni mung, tinang du nga ai shara kaw chyeju hte woi awn ya marit.

4. US, UK hte EU kaw du nga ai wunpawng ni kaw nna, yawng shang lawm mai ai Global Theme langai shaw nna, Global Campaign woi galaw na matu, chyeju hte lit la ya marit.

5. Buga kaw woi awn galaw na magam bungli ni yawng hta, myit masin, hkum hkrang, ja gumhpraw, akyu hpyi ai lam ni hte, yawng hkum dek, law tim n law tim, shang lawm na matu, aja awa hpyi lajin dat ga ai.

6. Dai ning na Yangon kaw woi galaw na lamang ni hpe mung, Proposal n ka ai sha, anhte yawng jawm shakut ai ja, gumhpraw hte, htap htuk hkra galaw sa mat wa na matu, myit mada da ga ai majaw, anhte yawng jawm shakut nna shanglawm mat wa ga.

7. Anhte a kanu kawa, ramma, kaji kaba yawng, tinang a myu sha ni a matu, gwi gwi hte shanglawm mat wa na matu saw lajin dat mayu nngai. Wunawpng sai lawm sai ni yawng, makau kaw tsap yu nna, ta-hpawk dum lawm ai hpe n galaw saga, yawng tinang du ai shara kaw woi awn saga, ngu, Majan 4 Ning hpring lamang hpe lakap nna, hpyi lajin dat mayu nngai.

Chyeju kaba sai.

Hkawn Ja