myen ni gari gawa rai tsang nga ai lam rai nga malu ai
သတိထား စောင့်ကြည့်ရမည့် ပန်းဆမ်း ဆွေးနွေးပွဲ
ဝ နယ်မြေသည် စုစုပေါင်း စတုရန်းမိုင် ၁၇၀၀၀ ရှိပြီး တောင်ပိုင်းနှင့် မြောက်ပိုင်းဒေသ ခွဲခြားထားကာ လူဦးရေ ၄ သိန်း နီးပါးရှိသည်။
သောကြာနေ့က အဆိုပါ ၀ နယ်မြေ ပန်ဆန်းတွင် ပြုလုပ်လျက်ရှိသော လူမျိုးစု လက်နက်ကိုင်များ တွေ့ဆုံဆွေးနွေးပွဲကား စတင်နေပြီဖြစ်သည်။
အစိုးရမှ မည်မျှပင် ကန့်ကွက်နေသောငြားလည်း ၀ အဖွဲ့မှ ပြောင်ပြောင်တင်းတင်း ပင် ကိုးကန့်နှင့် ရခိုင်လက်နက်ကိုင် အဖွဲ့များကို ဖိတ်ကြားခဲ့၍ တက်ရောက်နေကြပြီ ဖြစ်သည်။
ဝ ခေါင်းဆောင် ပေါက်ယုချန်မှ လူမျိုးစုများနှင့် လက်နက်ကိုင် ပဋိပက္ခများ ရှိနေသရွေ့ နိူင်ငံလုံးဆိုင်ရာ ငြိမ်းချမ်းရေး သဘောတူညီချက်ဆိုသည်မှာ စာရွက်ပေါ်တွင်သာ ရှိကြောင်း မိမိတို့ လူမျိုးစုများအားလုံးသည် ဖွံ့ဖြိုးတိုးတက်သော နိူင်ငံတော်ကြီး တည်ဆောက်ချင်သော်လည်း နှစ်ပေါင်း ၅၀ ကျော်ကြာ ပဋိပက္ခများကြောင့် ဒုက္ခအမျိုးမျိုး ခံစားခဲ့ရကြောင်း၊ ဖွံ့ဖြိုးတိုးတက်ဘို့ ရန် တည်ငြိမ်မှု မရရှိက မဖြစ်နိူင်သဖြင့် မိမိတို့အားလုံးမှ ငြိမ်းချမ်းရေးကို လိုလားလျက်ရှိကြောင်း ပြောကြားသွားခဲ့သည်ဟု သိရသည်။
သို့သော် အင်အားနဲသော လက်နက်ကိုင်အဖွဲ့များကို ကွက်ချန်ထား၍ ယင်း ဆွေးနွေးပွဲ၏ ရည်ရွယ်ချက်များကို သံသယ ပွားစရာ ဖြစ်လာနေပေသည်။
အစိုးရ ငြိမ်းချမ်းရေး ဆွေးနွေးသူ ဦးလှအောင်ရွှေမှ မူ ၀ ခေါင်းဆောင်များ အနေဖြင့် အစိုးရနှင့် ကိုးကန့်သူပုန်များ အကြား ဖြစ်ပွားနေသော ပဋိပက္ခကို အဆုံးသတ်အောင် ကူညီအဖြေရှာပေးနိူင်လိမ့်မည်ဟု ယုံကြည်ကြောင်း ပြောကြားခဲ့သည်။
တရုတ် အစိုးရ အနေဖြင့် အိမ်နီးချင်းနိူင်ငံများ၏ ပြည်တွင်းရေးတွင် ၀င်မစွက်ပါဟု ဘန်ဒေါင်း ညီလာခံတွင် ချမှတ်ခဲ့သော မူကြီး ၅ ချက် နှင့် လိုက်နာပါမည်ဆိုသော်လည်း ထိုအချိန်မှ စ၍ ဗမာပြည် ကွန်မြူနစ်ပါတီကို အသုံးချ၍ မြန်မာပြည်တွင်းရေးကို ပြောင်ပြောင်တင်းတင်း ၀င်ရောက်စွက်ဖက်ခဲ့ပြီး နောက်ပိုင်း ၁၉၈၉ တွင် ၀ များကို အစားထိုး မွေးမြူကာ ဆက်လက် ချုပ်ကိုင်ရန် အခုအချိန်ထိ ကြိုးစားလျက်ပင် ရှိသေးသည်။ ရုရှားမှ ယူကရိန်း နှင့် ကရိုင်းမီးယား အား ကျင့်သုံးပုံမျိုး ဆွန်ဇူး နည်းဗျူဟာ အတိုင်း အိမ်ကြက်ချင်း အိုးမဲ သုတ်ခိုင်းရန် ကြံစည်နေခြင်းလောဟု မေးခွန်းထုတ်စရာ ဖြစ်လာနေသည်။
အဆိုပါ အစည်းအဝေးသည် တရုတ် အစိုးရမှ ခွင့်မပြုက မည်သို့မျှ ဖြစ်လာနိူင်စရာ အကြောင်းမရှိ၊ သို့သော် မြန်မာအစိုးရမှ ငြိမ်းချမ်းရေး ဆွေးနွေးပွဲများတွင် အိန္ဒိယ အဆင့်မြင့် အရာရှိများကို ခေါ်သွင်းလာခဲ့ပြီး အိန္ဒိယမှ နာမည်ကောင်း ယူလာခဲ့ခြင်းများကြောင့် ယခုကဲ့သို့ ပြန်လည်တန်ပြန်ခဲ့ခြင်းလည်း ဖြစ်ပုံရပေသည်။
ကိုးကန့်တိုက်ပွဲများနှင့် ပါတ်သက်၍ မြန်မာအရေး ကျွမ်းကျင်သူ ဘာတန်လစ်တနာမှ မြန်မာတပ်မတော်မှ အားသာမှုကို ပြနိူင်ခဲ့ခြင်း မရှိပဲ အားနည်းချိရော့မှုကို ထုတ်ဖေါ်ပြသရာ ရောက်ခဲ့သည့် ပွဲဟု ဆိုသည်။
မြန်မာတပ်မတော်နှင့် ယှဉ်လျင် လူမျိုးစု လက်နက်ကိုင်များသည် ဒေသတွင်းရှိ လူထု၏ ထောက်ခံမှုကို အပြည့်အ၀ ရရှိထားကြသော အဖွဲ့များဖြစ်သည်။
၎င်းတို့အဖို့က ၎င်းတို့၏ လက်နက်ကိုင် အဖွဲ့များသည် သီးခြားတပ်မတော်အသွင် ခံယူထားကြသဖြင့် လက်နက်စွန့်ခြင်း၊ မြန်မာတပ်မတော်လက်အောက် ၀င်ရောက်ပူးပေါင်းခြင်း ဆိုသည်မှာ မည်သည့်နည်းနှင့်မျှ မဖြစ်နိူင်ပေ၊
၂၀၁၄ ဖေဖေါ်ဝါရီလအတွင်းက မိတ္ထီလာတွင် အနော်ရထာ အမည်ဖြင့် စစ်ရေးလေ့ကျင့်မှုကြီး ပြုလုပ်ခဲ့ပြီး ရှိသမျှ နောက်ဆုံးပေါ်လက်နက်အင်အားများ ထုတ်သုံးကာ ၀ များကို သွယ်ဝိုက်ခြိမ်းခြောက်ခဲ့ဘူး သော်လည်း လောက်ကိုင်တိုက်ပွဲတွင် အကြီးအကျယ် အထိနာခဲ့သည့်အပြင် ခြင်းကြားကြီးများ ကျောပိုး၍ တိုက်နေသော တပ်မတော်အားလည်း အထင်ပို၍ သေးလာခဲ့ရပြန်သည်။
မြန်မာတပ်မတော်သည် ပဋိပက္ခ ဖြစ်ပွားရာ ဒေသများတွင် တိုင်းရင်းသားများအပေါ် နှိပ်စက်ကလူပြုခြင်း၊ လူ့အခွင့်အရေးများ ချိုးဖေါက်ခြင်းစသည့် တို့ကျူးလွန်ခဲ့ကြသည့်အပြင် တပ်မတော်ထဲတွင် ဗိုလ်မှုးချုပ်အဆင့်ရှိသူ တဦးတလေမျှ တိုင်းရင်းသားများ မဟုတ်ကြပေ။
၂၀၁၄ ဧပြီ ၆ ရက် က ကာချုပ် မင်းအောင်လှိုင်မှ ဗိုလ်ချုပ် လှဌေးဝင်း၊ ဗိုလ်ချုပ် ခင်အောင်မြင့် နှင့် ရေတပ်ဗိုလ်ချုပ် သူရသက်ဆွေတို့ခြံရံလျက် လာရှိုးသို့ သွားရောက်ကာ ၀ ဒုတိယခေါင်းဆောင် ပေါက်ယူရီ နှင့် သွားရောက်တွေ့ဆုံခဲ့ဘူးလေသည်။ တပ်မတော်မှ သြဇာအကြီးမားဆုံး ခေါင်းဆောင်ကိုယ်တိုင် သွားရောက်ဆွေးနွေးရသည့် အဖြစ်ကား အတော်လေး ဆန်းနေပေသည်။
သို့သော် အင်အား အကြီးမားဆုံး လက်နက်ကိုင် အဖွဲ့ဖြစ်သည့် ၀ များက အစိုးရ၏ အပြစ်အခတ် ရပ်စဲရေး ဆွေးနွေးပွဲများသို့ ခြေဦးပင် ယောင်၍ မလှည့်ခဲ့ကြပေ၊ နယ်ခြားစောင့်တပ်များ ဖွဲ့စည်းရေးဆိုသည့် မှုးကြီးသန်းရွှေ၏ အကြံပြုချက်ကို ၀ များက ပယ်ချခဲ့ကြသဖြင့် ၂၀၁၁ တွင် အပြစ်အခတ်ရပ်စဲရေးကို ပြန်လည် သက်တမ်းတိုးခဲ့ရသည်။
ဝ များက ၎င်းတို့လက်ရှိ ရရှိထားသည့် အထူးအုပ်ချုပ်ခွင့်ရ နယ်မြေ (၂) အတွင်း ကိုယ်ပိုင်တပ် နှင့် ကိုယ်ပိုင်အုပ်ချုပ်ခွင့်ရ နေခြင်းကို မကျေနပ်သေးပဲ ကိုယ်ပိုင်အုပ်ချုပ်ခွင့်ရ လွတ်မြောက်နယ်မြေအဖြစ် ထိထိရောက်ရောက် တရားဝင် ဖြစ်စေရန် တောင်းဆိုထားသည်။
ယင်းသို့တောင်းဆိုနိူင်ရန်လည်း လက်နက်လူအင်အား တောင့်တင်းလှသည်။ အမြဲတမ်း တပ်အင်အား ၂၅၀၀၀ နှင့် အရံတပ်များ အပြင် စစ်တပ်မှ ၂၀၀၉ က ကိုးကန့်နယ်မြေသို့ ၀င်ရောက်တိုက်ခိုက်မှုမျိုးကို ဟန့်တားနိူင်ရန် စစ်စွမ်းရည်ကို ထိုအချိန်ကစ၍ အထူး မြှင့်တင်ထားလျက်ရှိနေပြန်သည်။
ဝ များက တပ်မကြီး ၃ ခုအား တရုတ်ကို ကျောပေးထားသော နယ်စပ်တလျောက်တွင် အမြှောက်တပ်များ နှင့် အခြား ထောက်ပံရေး သံချပ်ကာ တပ်ကြီးများ ဖြန့်ကြက်ချထားပြီး၊ ရှမ်းပြည်နယ် နှင့် ထိုင်းနယ်စပ်တလျောက်ရှိ စစ်ဒေသ ၁၇၁ တွင် တပ်ရင်း ၅ ရင်းခန့် တပ်စွဲထားလျက်ရှိသည်။ ၀ နယ်မြေ နှင့် မဲခေါင် မြစ်ဝှမ်းအကြား စစ်အင်အား ၄၀၀၀ ခန့်ရှိသည့် မဟာမိတ် NDAA မှ တပ်စွဲထားပြန်သည်။ ထို့အပြင် Hip MI-17 သယ်ယူပို့ဆောင်ရေး ရဟတ်ယာဉ်များ ၀ယ်ယူအားဖြည့်ထားပြီး တရုတ်တွင် စစ်သင်တန်းများ တက်ရောက်ခဲ့သည်ဟု ဆိုသည်။ ကြည်းတပ်သုံး man-portable air defense systems (MANPADS) များက လက်ဝယ်တွင် အဆမတန် စုပြုံအားဖြည့်ထားလျက်ရှိနေသည်။
လက်ရှိအခြေအနေတွင် အထူးအုပ်ချုပ်ခွင့်ရ ဒေသ (၂) သည် မြန်မာပိုင်နယ်မြေအစား တရုတ်ပိုင်နယ်မြေတခုကဲ့သို့ ဖြစ်လာနေပေသည်။ တရုတ်စကား၊ တရုတ်ငွေ၊တရုတ် လက်ကိုင်ဖုန်းများ အပြင် တရုတ် စာပို့စနစ်များ အသုံးပြုလျက်ရှိပြီး ရာဘာစိုက်ခင်းများတွင် တရုတ်၏ ရင်းနှီးမြှုပ်နှံမှုများ အပြင် ရှားပါး ကုန်ကြမ်းဖြစ်သည့် Rare Earth Metal လုပ်ငန်းများကလည်း ကြီးထွားလာလျက်ရှိနေသည်။
အစိုးရ အနေဖြင့် ဘိုနေမြဲ ကျားနေမြဲ ဆက်လက်ထားရှိနေပါက အဆိုပါ ဒေသအား တရုတ်လက်ဝယ်သို့ ထိုးအပ်ထားရသလိုမျိုး ဖြစ်နေ၍ မျက်စိစပါးမွှေး စူးနေသည်က အမှန်ပင်။
ဝ ခေါင်းဆောင်ပိုင်း အများစုသည် အမေရိကန်တွင် မူးယစ်ဆေးဝါး ရောင်းဝယ်ဖေါက်ကား ထုတ်လုပ်မှုများနှင့် စွဲချက်တင်ခံထားရသူများ ဖြစ်သဖြင့် မူးယစ်ဆေးဝါး အကြောင်းပြကာ ထိုးစစ်ဆင်ပါက အနောက်အုပ်စုမှ မည်သို့မျှ ကန့်ကွက်မည်မဟုတ်ပေ၊ သို့သော် ထိုကဲ့သို့ စစ်ဆင်လာသည့် အခြေအနေအထိ တရုတ်မှ အရောက်မခံရဲသဖြင့် မြန်မာတပ်မတော်မှ အလွယ်တကူ ကြံစည်ရဲခြင်း မရှိရလေအောင် ၀ တို့အား လက်နက်အင်အား အပြည့်အစုံ တပ်ဆင် ကျားကန် ပေးထားခဲ့ခြင်း ဖြစ်သည်။
သို့သော် တရုတ်အနေဖြင့် မြန်မာနှင့် ဆက်ဆံရေး ပျက်ပြားသွားပါက အနောက်အုပ်စုဘက် တွန်းပို့လိုက်သလိုမျိုးဖြစ်ကာ ၀ိုင်းရံခံရမည့်အပြင် စီးပွားရေး ရင်းနှီးမြှုပ်နှံမှုများ အကုန်ထိခိုက်လာနိူင်စရာ ရှိသဖြင့် ဖြစ်ပေါ်လာနေသော အခြေအနေများကို မီးစင်ကြည့်ကသွားမည့် သဘောသာ ရှိမည်ဟု လေ့လာသူများက သုံးသပ်လျက်ရှိသည်။
မိမိတို့တပ်မတော်ကြီးအနေဖြင့် ယခုဆွေးနွေးပွဲအား သတိထား စောင့်ကြည့်နေမည်သာ ဖြစ်သည်။ အင်အားနည်းသော အဖွဲ့၊ မယုံကြည်ရဟု ယူဆသော အဖွဲ့ များကို ချန်လှပ်ထား၍ ဆွေးနွေးပွဲများ ပြုလုပ်ပြီး သတင်းမီဒီယာများ ရှေ့တွင် ရွှမ်းရွှမ်းဝေအောင် ပြောနေသော်လည်း လက်နက်ကိုင် ထိပ်သီးအချင်းချင်း ကွယ်ရာတွင် လျို့ဝှက် ဆွေးနွေးကာ မဟာဗျဟာ တခု ချမှတ်၍ အဖက်ဖက်မှ အင်အားချိနဲ့နေသော တပ်မတော်အား မိမိတို့ တောင်းဆိုသည်ကို မရက ဘက်ပေါင်းစုံ တပြိုင်တည်း ထိုးစစ်ဆင်တိုက်ခိုက်နိူင်မည့်အရေးကား လျော့တွက်၍ကားမရပေ။
အချက်အလက်များကို Bangkok Post, Asia Times Online နှင့် James Defense Weekly ဂျာနယ်များမှ ကိုးကားသည်။
HSW
