Anhte Wunpawng sha ni shang lawm ra ai mung masa pandung gaw wunpawng mung dan shang lawt asuya woi awn nga ai mung masa pan dung rai nga mali ai. Ndai aten hta KBC (8) lang ngu na KBC ramma hpawng kaba hpe galaw ngut la lu sai re. Ndai KBC ramma hpawng kaba hta law malawng gaw wunpawng mung dan shang lawt asuya woi awn nga ai mung masa masan sa nga ai lam, Karai Kasang woi awn lam madun nga ai mung masa hkrun lam re lam hpe ramma hpawng a yaw shada ai pan dung hte Karai mungga hte seng ai shatsam mungga ni hta asan pra mu lu nga ai.
Wunpawng mung dan shang lawt asuya hku nna woi awn nga ai mung masa pan dung gaw “jet ai federal democracy” re. Jet ai federal democracy mung dan ngu ai gaw mung masa lam, sut masa lam, hpaji masa lam, up hkang masa lam hte kaga baw hpan lam shagu hta tara rap ra ai hku nna gaw gap ai lam hpe tsun ai lam rai nga mali ai. Rai tim Myen ni woi awn ai gaw shanhte ra ai hku mung dan hpe masu magaw hte woi hpawng de ai mung hpawm hpe tsun taw ai re. 2008 ning gaw da tara hte maren up hkang sha na matu re. 2008 ning gaw da tara hta Myen mung dan ting nga ai lumu ga, hka shi hkanu, nam maling ni yawng hte ga ntsa e nga ai nhprang sut ni, ga kate de rawng ai nhprang sut ni yawng gaw asuya a daw dan kata hta re nga nna ka tawn da ai lam gaw grai dang dawng ai masu magaw lam langai rai nga mali ai. Dai majaw masu ai ngu ai lachyum hpe hpyen dat yang dai 2008 ning gaw da tara hpe hti yu ai ni gadai mung chye na ga ai.
Maga mi tsun ga nga yang tsa dan woi awn ai mung masa rai nga ai. Dai majaw wunpawng mung dan shang lawt asuya woi awn ai mung masa pan dung gaw Karai woi awn ai mung masa pan dung re. Tsa dan hpe dang kau lu na mung masa pan dung san san re. Dai majaw daini na Wunpang mung dan shang lawt hpyen du hpyenla ni hte woi awn ningbaw ni yawng gaw hpa galaw na rai tim Karai Kasang kaw akyu hpyi hkam la nna she galaw sa wa ai re. Karai mungga hta rawng ai “sumnung singdi ai ni gaw” mung kan ga hpe madu lu na ngu ai lam gaw anhte wunpawng sha ni hpe Karai Kasang e shaman ya nga ai ga rai nga ai. KBC hte kaga wunpawng christan nawku hpung shagu mung ndai hpe mu mada na hpe anhte “Jinghpaw Wunpawng Amyu sha Demokresi Ginrun Parti” Kachin National Alliance Party for Democracy hku nna na chying kam kaba nga ga ai lam tsun shana ndau shabra dat mayu ga ai law.
Wun pawng mung dan hte Wunpawng myu sha ni hpe Karai Kasang shaman ya nga u ga law
Amyu sha lam hta
kapdjinghpaw@gmail.com
“Jinghpaw Wunpawng Amyu sha Demokresi Ginrun Parti” Kachin National Alliance Party for Democracy
jorge semi
28 Apr (2 days ago)
to KRC, JLH, aksyumaesot, JAPAN, pan, Pan, smlahpai, KNO, KNOINFO, bumwakawng, Mung, kwat.coordinat., khonja.kachin, kdngchn, KNO, marip, Gun, media, Ah, wpn, Zau, Hkan, Norway, bawksan.mwihpu, brang.hkangda
