Du wa na Generation ni katsi lu la na matu, lu ai kumhpa re nga ai Slg Marip Brang mun(Lucky Bakery)
2015 ning May shata (15) ya shani hta Myen Mung Gumsan Magam wa U Thein Sein kaw nna Mungdan kata ningtawn ai Mung masha ni hpe shagrau kumhpa jaw ai lamang hpe Nay Pyi Taw kaw galaw lai wa sai. Dai shagrau poi hta Jinghpaw Mung Myitkyina Mare kaw na Slg Brang Mun gaw "ထုတ္လုပ္ေရာင္းခ်မွဳ ထူခြ်န္ အေသးစား စီးပြားေရး လုပ္ငန္းရွင္ဆု" hpe Lucky muk hku nna shagrau hkrum lai wa sai. Ya na zawn shagrau hkrum ai lam hte seng nna shi gaw
"Ya na zawn re, ngai kumhpa lu wa ai ngu ai gaw du wa na generation ni a matu katsi la hpa mung rai wa u ga, anhte Jinghpaw Mung a matu arawng langai mi mung rai wa u ga ngu myit yaw shada ai. Ngai hte magam bungli ndai hpe rau jawm galaw ai manang ni yawng a gawng malai ngai hkap la ai re ngu nna tsun mayu ai" nga nna tsun dan ai.
"Ya na zawn re, ngai kumhpa lu wa ai ngu ai gaw du wa na generation ni a matu katsi la hpa mung rai wa u ga, anhte Jinghpaw Mung a matu arawng langai mi mung rai wa u ga ngu myit yaw shada ai. Ngai hte magam bungli ndai hpe rau jawm galaw ai manang ni yawng a gawng malai ngai hkap la ai re ngu nna tsun mayu ai" nga nna tsun dan ai.
Luck Muk ni hku nna Mung shawa ni a awng sharawng ai lam hpe galoi mung jahkum shatsup lu na matu shakut shaja taw ai lam hpe ya na zawn tsun dan ai. "Ya anhte Macadamiea nga ai namsi hte muk galaw shapraw na matu shajin nga ai, hkai mung hkai da sai.
Dai mansi hpe yawng mung shakut hkai ga ngu saw shaga ai. Tinang Mungdan hta pru ai arai ni hte muk hpe grau grau kaja hkra galaw shapraw na matu shakut taw nga ai" nga nna tsun dan ai.
Lucky Muk galaw ai maagam bungli hpe gaw 1989 Ning December kaw na hpang wa ai re lam chye lu ai. Ya ten hta gaw Lucky Muk Seng hpe madung hku nna shara (3) kaw hpaw da ai. La ai seng ni gaw Jinghpaw Mung shara shagu de law law mi nga ai lam hpe mu lu ai.
