Rev.Dr. Ola Hanson hte Ma Ma
Shi gaw Sweden Mung e nga ai,Sweden masha re ai, Asak 16 ning ten hta America Mung Behtel ngu ai Chyum Laika Jawng sa lung awng pru ai wa re.Colgate Dakkasu kaw nna shi hpe D.Litt Degree hpaji jan mau lu ai wa re.Sweden Laika,English Laika, German Laika, hte Hebre Laika ni hpe atsawm chye ai wa re.Dai ten hta Mungkan ga na amyu laili laika hpaji hpe janmau kaba gup la lu hkra re ai masha marai 4 sha naw nga ai hta Ola Hanson gaw yawng hta ram dik htum re.Ga amyu language 40 daram hpe mung chye ai lam labau hta tsun kajai da ai.American Hkalup Sasana Ginjaw de sumtsan sasana bungli gun hpai na matu shi nan hpyi shawn ai hte Dr.Frank Peterson hpung up galaw nga ai Minneapolis mare na Bethlehem Sweden Hkalup Hpung kaw,1890 hta Hpung Up ta mara aya dang la ai .
1890 Dec.22 hta Manmaw du,1895 hta Kachin Laika galaw ngut sai, 1926 Aug. 11 hta Kachin Chyum Laika galaw shangut sai.
1927 March 27 hta Manmaw e galaw ai Sasana shang 50 ning hpring Ja Jubeli hta Sarakaba Damau Naw a lata e ap ya sai. Sara Kaba Ola Hanson anhte Kachin myu sha ni hpe chyum laika ap ya ai shaloi tsun ai ga gaw- Mungkan hta amyu 12000 nga ai hta amyu 480 ni gaw Karai Kasang a Chyoipra ai Chyum Laika ni lu la sai rai. Nanhte ni mung ya kaw nna gaw,Chyoipra ai Chyum laika lu la ai amyu masha byin tai manit sai law.Nanhte ndai Karai Kasang a Chyoipra ai Chyumlaika hpe hkap la nhtawm hkan sa,madat mara nga yang gaw ,ndai Karai Kasang a Chyoipra ai Chyum laika hta rawng ai hte mare ,Karai Kasang kaw na tsaw ra matsan dum ai Chyeju,htani hta na nhtum nwai ai asak wenyi,sut gan hpaji byeng ya lam hte ,nanhte ya yang kaji kadun, nchye nchyang, n kung n hpan, matsan mayan rai ndan nleng ai amyu rai tim, ya htawm hpang de gaw nanhte galu kaba mayat maya gumja gumhpra law htam wa, sut su nga mai chye chyang kung hpan gumring gumrat,sumnung shingdi teng man kang ka,sadi sakha, nden marai,share shagan magrau grang let masha law law ni hpe lam chye woi awn ai, amyu byin tai wa na manit dai law.
Sara Kaba hpe shagrau shaa ai lam:
Kachin Literature hte Dicttionary gyin shalat ya ai majaw English Hkawhkam George V gaw ,Kaiser-i-hind ngu ai Ja dazik hte shagrau lekmat ,Rangoon Govenor wa Harcourt Burtler wa mung gumhpraw ban hte shagrau lekmat,Lashio Ayebeng H.A Thornton wa mung,RS.500 hte sanat kumhpa jaw shagrau ai lam labau hta galaw lai wa sai.1915,DEC .22 hta e Namhkam sasana nta e,Sara Seng Li,Sara Lashi Naw ni hpe shaga la nna Kachin ni kaw sasana sa galaw ai 25 ning hpring Gumhpraw Jubeli kaji galaw ai hta Sara Lashi Naw gaw Sara Hanson hpe Gup Du Ru kumhpa jaw sai.Sara kaba Hanson gaw shi n gup ai sha New York mare na madun gawk htingnu e tawn da ya na re.Kachin ni USA du ai shaloi mu lu hkra tawn da ya na nga nna hkap la sai re.Shi hpe chyeju dum,myit dum ai hku nn Manmaw Roberts Sasana Wang e,Hanson Hka Htung langai mi galaw da sai.Ya ten hta dai hka htung gaw Manmaw Ginwang rung maku kaw re.Yawng a matu grai akyu rawng ai ntsin hpe htai hka htung kaw nna lu mai ai. IDPs ni dai hka htung na ntsin hte jai lang nga ma ai.Sin Lum Pangmu mare hta mung Hanson Masat Nawku Htingnu gaw gap tawn sai.Ya ten hta Majan nhpan byin mat ai majaw kasi katsang she rai mat sai.Mung pyaw ai shani bai gaw shatsawm la ga.
American Mungdan,Oakland,Nabraska mungdaw e Sara Kaba a lup dinng lup wa hta shakap da ai ga si ni gaw- Ola Hanson,June 25,1864-Oct.17,1929; Missionary to the Kachins in Burma 1890-1929 ngu ka masat da ai.Ya dai ni gaw mau hpa Karai a chyeju hta anhte Kachin ni mung USA de KBC Church ni hpe bai gaw de lu saga ai re.KBC Buga hpung 11 du hkra rawt jat wa saga ai hta Taxes Mungdaw ,Huston Myo Kaba hta mung Sara Kaba Hanson a mying shing teng hte Hanson KBC hpe May ,5, 2013 kaw nna Hung de hpang sai re.Ya ten hta Sara Dure Zau Hkawng ( Amu Madu = KBC, USA ) hte Hpung Kongsi ni woi awn ai hte Hpung masha ni lam shagu hta grai rawt jat su hprawng wa sai hpe mu mada lu nga ai law.
by-Lagwi Kasha, Ref.KBC Labau Laika
Shi gaw Sweden Mung e nga ai,Sweden masha re ai, Asak 16 ning ten hta America Mung Behtel ngu ai Chyum Laika Jawng sa lung awng pru ai wa re.Colgate Dakkasu kaw nna shi hpe D.Litt Degree hpaji jan mau lu ai wa re.Sweden Laika,English Laika, German Laika, hte Hebre Laika ni hpe atsawm chye ai wa re.Dai ten hta Mungkan ga na amyu laili laika hpaji hpe janmau kaba gup la lu hkra re ai masha marai 4 sha naw nga ai hta Ola Hanson gaw yawng hta ram dik htum re.Ga amyu language 40 daram hpe mung chye ai lam labau hta tsun kajai da ai.American Hkalup Sasana Ginjaw de sumtsan sasana bungli gun hpai na matu shi nan hpyi shawn ai hte Dr.Frank Peterson hpung up galaw nga ai Minneapolis mare na Bethlehem Sweden Hkalup Hpung kaw,1890 hta Hpung Up ta mara aya dang la ai .
1890 Dec.22 hta Manmaw du,1895 hta Kachin Laika galaw ngut sai, 1926 Aug. 11 hta Kachin Chyum Laika galaw shangut sai.
1927 March 27 hta Manmaw e galaw ai Sasana shang 50 ning hpring Ja Jubeli hta Sarakaba Damau Naw a lata e ap ya sai. Sara Kaba Ola Hanson anhte Kachin myu sha ni hpe chyum laika ap ya ai shaloi tsun ai ga gaw- Mungkan hta amyu 12000 nga ai hta amyu 480 ni gaw Karai Kasang a Chyoipra ai Chyum Laika ni lu la sai rai. Nanhte ni mung ya kaw nna gaw,Chyoipra ai Chyum laika lu la ai amyu masha byin tai manit sai law.Nanhte ndai Karai Kasang a Chyoipra ai Chyumlaika hpe hkap la nhtawm hkan sa,madat mara nga yang gaw ,ndai Karai Kasang a Chyoipra ai Chyum laika hta rawng ai hte mare ,Karai Kasang kaw na tsaw ra matsan dum ai Chyeju,htani hta na nhtum nwai ai asak wenyi,sut gan hpaji byeng ya lam hte ,nanhte ya yang kaji kadun, nchye nchyang, n kung n hpan, matsan mayan rai ndan nleng ai amyu rai tim, ya htawm hpang de gaw nanhte galu kaba mayat maya gumja gumhpra law htam wa, sut su nga mai chye chyang kung hpan gumring gumrat,sumnung shingdi teng man kang ka,sadi sakha, nden marai,share shagan magrau grang let masha law law ni hpe lam chye woi awn ai, amyu byin tai wa na manit dai law.
Sara Kaba hpe shagrau shaa ai lam:
Kachin Literature hte Dicttionary gyin shalat ya ai majaw English Hkawhkam George V gaw ,Kaiser-i-hind ngu ai Ja dazik hte shagrau lekmat ,Rangoon Govenor wa Harcourt Burtler wa mung gumhpraw ban hte shagrau lekmat,Lashio Ayebeng H.A Thornton wa mung,RS.500 hte sanat kumhpa jaw shagrau ai lam labau hta galaw lai wa sai.1915,DEC .22 hta e Namhkam sasana nta e,Sara Seng Li,Sara Lashi Naw ni hpe shaga la nna Kachin ni kaw sasana sa galaw ai 25 ning hpring Gumhpraw Jubeli kaji galaw ai hta Sara Lashi Naw gaw Sara Hanson hpe Gup Du Ru kumhpa jaw sai.Sara kaba Hanson gaw shi n gup ai sha New York mare na madun gawk htingnu e tawn da ya na re.Kachin ni USA du ai shaloi mu lu hkra tawn da ya na nga nna hkap la sai re.Shi hpe chyeju dum,myit dum ai hku nn Manmaw Roberts Sasana Wang e,Hanson Hka Htung langai mi galaw da sai.Ya ten hta dai hka htung gaw Manmaw Ginwang rung maku kaw re.Yawng a matu grai akyu rawng ai ntsin hpe htai hka htung kaw nna lu mai ai. IDPs ni dai hka htung na ntsin hte jai lang nga ma ai.Sin Lum Pangmu mare hta mung Hanson Masat Nawku Htingnu gaw gap tawn sai.Ya ten hta Majan nhpan byin mat ai majaw kasi katsang she rai mat sai.Mung pyaw ai shani bai gaw shatsawm la ga.
American Mungdan,Oakland,Nabraska mungdaw e Sara Kaba a lup dinng lup wa hta shakap da ai ga si ni gaw- Ola Hanson,June 25,1864-Oct.17,1929; Missionary to the Kachins in Burma 1890-1929 ngu ka masat da ai.Ya dai ni gaw mau hpa Karai a chyeju hta anhte Kachin ni mung USA de KBC Church ni hpe bai gaw de lu saga ai re.KBC Buga hpung 11 du hkra rawt jat wa saga ai hta Taxes Mungdaw ,Huston Myo Kaba hta mung Sara Kaba Hanson a mying shing teng hte Hanson KBC hpe May ,5, 2013 kaw nna Hung de hpang sai re.Ya ten hta Sara Dure Zau Hkawng ( Amu Madu = KBC, USA ) hte Hpung Kongsi ni woi awn ai hte Hpung masha ni lam shagu hta grai rawt jat su hprawng wa sai hpe mu mada lu nga ai law.
by-Lagwi Kasha, Ref.KBC Labau Laika
