Laiza muklum sinpraw majoi manau wang gawk nu hta shanglawt hpung pati hte seng ai majat jaw hpawng galaw ai lam chye lu ai.
Ninggawn Daju Party Komiti a Party majat jaw hpawng galaw ai lam gaw KIO hpung party greng grak ngang kang wa na hte masan sa awng dang ai mung masa hpung byin tai wa lu hkra woi awn hkrang shapraw sa wa lu na matu re nga nna ninggawn daju party komiti amu madu Slg; Chyana Zau Awn April (17) ya shani na hpawng hta tsun ai kawn chye lu ai.
Ndai hpawng hta Ginjaw Komiti Ningtau amu madu Slg; Labang Doi Pyi Sa kaw nna wunpawng mungdan shanglawt hpung party hpaw shabawn ai lam, hpung party a gaw da ai tara, hpung party a bandung, hpung party a makam masham, hpung party shang masha ni hkam la ra ai lam hte party komiti tsang hte tsang mahkri shawn bungli galaw sa wa na lam ni hpe tsun sang lang dan ai lam chye lu ai.
