စစ်ရှိန် လျှော့ချရေး အတွက် အစိုးရနှင့် ညှိနှိုင်းမှုတွင် KIO တက်ရောက်မည် မဟုတ်

Zawzaw Zaw shared Zawzaw Zaw's photo.

5 mins

Zawzaw Zaw

10 December 2014 
Kachin News Group

အစိုးရနှင့် ကချင်လွတ်မြောက်ရေးအဖွဲ KIO တို့အကြား ပစ်ခတ် တိုက်ခိုက်မှုနှင့် စစ်ရှိန်လျှော့ချနိုင်ရန်အတွက် ဖွဲ့စည်းထားသော နှစ်ဖက် ပဋိပက္ခဖြေရှင်းရေးအဖွဲ့၏ တွေ့ဆုံဆွေးနွေးမှုကို ကေအိုင်အိုဘက်မှ တက်ရောက်မည် မဟုတ်ကြောင်း ဗိုလ်မှူးကြီး ခွန်နောင် က ပြောသည်။

“ကျနော်တို့ ဒီတခါတော့ ရက်အကန့်အသတ်မရှိ ရွှေ့ထားတဲ့သဘောဖြစ်တယ်။ ၁၉ ရက်က ဖြစ်တဲ့ကိစ္စနဲ့ ပတ်သက်ပြီးတော့ ကျနော်တို့ ကေအိုင်အို ကနေ အစိုးရကို စာရေးထားတာ ရှိတယ်။ ဒီတခေါက်တော့ ဦးအောင်မင်းနဲ့ ဒီဟာနဲ့ပတ်သက်လို့ ညှိနှိုင်းဖြေရှင်းဖို့ လုပ်ပြီးမှဘဲ ကျနော်တို့နောက်ပိုင်း ပြန်လုပ်မှာပါ” ဟု သူက ပြောသည်။

ဗိုလ်လောင်းများ သေဆုံးမှုနှင့်ပတ်သက်၍ ပြည်ထောင်စုအဆင့် ဖြေရှင်းရန် KIO က အစိုးရထံ စာရေးသားပေးပို့ခဲ့သော်လည်း ယခုထိ တစ်စုံတစ်ရာ ပြောဆိုလာခြင်း မရှိသေးကြောင်း သူက ပြောသည်။

နိုဝင်ဘာလ ၁၉ ရက်က အစိုးရ စစ်တပ်၏ လက်နက်ကြီး ပစ်ခတ်မှုကြောင့် KIO ဗိုလ်လောင်း ၂၃ ဦး သေဆုံးမှုနှင့် ပတ်သက်၍ အစိုးရဘက်မှ တစ်စုံတစ်ရာ ဖြေရှင်းချက်ပေးမှသာလျှင် ပဋိပက္ခဖြေရှင်းရေးအဖွဲ့တို့ ဆက်လက် ဆွေးနွေးသွားရန် လိုလားကြောင်း ပဋိပက္ခဖြေရှင်းရေးအဖွဲ့မှ အဖွဲ့ဝင် ဗိုလ်မှူးကြီး ခွန်နောင်က ပြောသည်။

ပြီးခဲ့သည့် မေလမှစတင်၍ အစိုးရနှင့် KIO တို့ လစဉ် ပထမပတ်တွင် တွေ့ဆုံဆွေးနွေးခဲ့သော်လည်း KIO ပဋိပက္ခဖြေရှင်းရေးအဖွဲ့က တွေ့ဆုံဆွေးနွေးမှုတွင် တက်ရောက်တော့မည် မဟုတ်ကြောင်း သူက ပြောသည်။

ပြီးခဲ့သည့် သြဂုတ်လမှစတင်၍ အောက်တိုဘာလအတွင်း နှစ်ဖက် တိုက်ပွဲ ဖြစ်ပွားမှု လျော့နည်းခဲ့သဖြင့် နှစ်ဖက် ယုံကြည်မှု ပိုမိုရှိလာသည်ဟု KIO ဘက်မှ ထုတ်ဖော်ပြောဆိုထားသည်။

ပြည်ထောင်စု ငြိမ်းချမ်းရေးလုပ်ငန်းဖော်ဆောင်ရေးကော်မတီ (UPWC)နှင့် KIO တို့ နှစ်ဖက် ၅ ဦးစီပါဝင်၍ သဘောတူ ဖွဲ့စည်းထားသည့် ပဋိပက္ခဖြေရှင်းရေးအဖွဲ့ကို မြစ်ကြီးနားမြို့ရှိ KIO ၏ နည်းပညာအထောက်အကူပြု အဖွဲ့ရုံးခန်းတွင် ပြီးခဲ့သည့် မေလ ၂၈ ရက်က ဖွဲ့စည်းခဲ့သည်။

ထိုပဋိပက္ခဖြေရှင်းရေးအဖွဲ့တွင် အစိုးရဘက်မှ ကချင်ပြည်နယ် နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီး သန်းအောင် က ခေါင်းဆောင်အဖြစ်ပါဝင်ပြီး KIO ဘက်မှ ဗဟိုဌာနချုပ်မှ ဗိုလ်မှူးကြီး ဇော်တောင် ခေါင်းဆောင်အဖြစ် ပါဝင်သည်ဟု သိရသည်။

၂၀၁၃ ခုနှစ် အောက်တိုဘာလက UPWC နှင့် KIO တို့ မြစ်ကြီးနားမြို့တွင် တွေ့ဆုံဆွေးနွေးခဲ့ပြီးနောက် စစ်ရှိန်လျှော့ချရေးနှင့် တိုက်ပွဲများ ထပ်မံ မဖြစ်ပွားစေရန်အတွက် ပူးတွဲ စောင့်ကြည့် ကြီးကြပ်ရေးကော်မတီကို ပဋိပက္ခ ဖြစ်ပွားရာ ဒေသအားလု့း အကျူံးဝင်စေမည့် ဖွဲ့စည်းပုံဖြင့် ဖွဲ့စည်းသွားရန် သဘောတူခဲ့ခြင်း ဖြစ်သည်။

====

KNLA စစ်ဦးစီးမှူးပထမတန်းအဖြစ် ဗိုလ်မှူးစောလှငွေအား ယာယီတာဝန်ပေးအပ်
December 10, 2014 • Posted in သတင်း
DSC_0070 
ဒီဇင်ဘာ ၁၀ရက်၊ ၂၀၁၄ခုနှစ်။ စဖန်းရှောင်း

ကရင်အမျိုးသားလွတ်မြောက်ရေးတပ်မတော်(KNLA) ၏ ယာယီ စစ်ဦးစီးမှူးပထမတန်း G-1 အဖြစ် ကရင်အမျိုးသားအစည်းအ ရုံး(ကေအဲန်ယူ)တွင် ယခင် တွဲဘက်အတွင်းရေးမှူး(၁)ဖြစ်ခဲ့သူ ဗိုလ်မှူးစောလှငွေအား ခန့်အပ်လိုက်ကြောင်း နိုဝင်ဘာ ၂၀ရက်မှ ၂၂ရက်နေ့အထိ ဗဟိုစစ်ဋ္ဌာနချုပ်၌ ပြုလုပ်ခဲ့သော ကေအဲန်ယူ တပ်ဖက်ဆိုင်ရာ ၆လပတ် အစည်းအဝေးတွင် ဆုံးဖြတ်ခဲ့သည်ဟု ကေအဲန်ယူဘက်က ပြောသည်။

လတ်တလော စစ်ဦးစီးမှူး ပထမတန်း G-1 အဖြစ် တာဝန်ထမ်းဆောင်နေသည့် အသက် ၇၁အရွယ်ရှိပြီဖြစ်သော ဗိုလ်ချုပ်စောမဲ့ အေစိန်မှာ အနားယူတော့မည်ဖြစ်၍ ဗိုလ်မှူးစောလှငွေအား ယင်းသို့ အစားထိုး ခန့်အပ်လိုက်ခြင်းဖြစ်ကြောင်း ကေအဲန်ယူ တွဲ ဖက်အတွင်းရေးမှူး(၁) ပဒိုစောသောသီဘွဲက ကေအိုင်စီသို့ အတည်ပြု ပြောဆိုလိုက်သည်။

“ကျနော်တို့ အဲဒီအစည်းအဝေးမှာ ကေအဲန်ယူ တပ်မဟာအသီးသီးက တက်လာတဲ့ တပ်မှူး၊ တပ်ဗိုလ်တွေက အဆိုပြုပြီး အား လုံးသဘောတူညီချက်အရ ဒီတာဝန်ကို ယာယီအနေနဲ့ ဗိုလ်မှူးစောလှငွေကို ခန့်အပ်တဲ့သဘောဖြစ်ပါတယ်။ ဗိုလ်ချုပ်မဲအေစိန် ကတော့ အနားယူသွားပေမယ့် KNLA ရဲ့ စစ်ဖက်ဆိုင်ရာ အကြံပေးအဖြစ် ဆက်ရှိနေဦးမှာပါ”ဟု ပဒိုစောသောသီဘွဲကဆိုသည်။

အဆိုပါတာဝန်ကို ထမ်းဆောင်ခဲ့သည့် ဗိုလ်ချုပ်စောမဲအေစိန်က “ကျနော့်ကရင်အမျိုးသားအတွက် တော်လှန်ရေးကို နှစ်ပေါင်း (၅၀)ကျော် တာဝန်ယူခဲ့ပြီးပြီဖြစ်ပါတယ်။ အခုက အသက်အရွယ်အရရော ကျန်းမာရေးအရရော အနားယူရမှာဖြစ်သလို နောက် လူငယ်ခေါင်းဆောင်တွေကိုလည်း လက်ဆင့်ကမ်း တာဝန်ပေးခြင်းဖြစ်ပါတယ်”ဟု ကေအိုင်စီသို့ ပြောသည်။

ပြီးခဲ့သည့် ၂၀၁၂ခုနှစ်က ကျင်းပခဲ့သည့် (၁၅)ကြိမ်မြောက် ကေအဲန်ယူကွန်ဂရက်တွင် ကေအဲန်ယူ တပ်ဖက်ဆိုင်ရာ အရာရှိများ အသက် ၆၅နှစ်ပြည့်ပါက တပ်ပိုင်းဆိုင်ရာ တာဝန်မှ အနားယူရမည်ဟု ဆုံးဖြတ်ချက်ချ အတည်ပြုထားခဲ့သည်။ ဗိုလ်ချုပ်စောမဲ အေစိန်မှာ ၂၀၀၈ခုနှစ်က ကေအဲန်ယူ တပ်မဟာ(၅)နယ်မြေ သေ့ကော်ထာ့စခန်းတွင် ကျင်းပခဲ့သော (၁၄)ကြိမ်မြောက် ကေ အဲန်ယူကွန်ဂရက်အပြီးတွင် စစ်ဦးစီးမှူး ပထမတန်း G-1 တာဝန်ကို ထမ်းဆောင်ခဲ့ပြီး ဗိုလ်မှူးစောလှငွေအား ယခုကဲ့သို့ ယာယီ ခန့်အပ်ခဲ့ခြင်းလည်းဖြစ်သည်။

၎င်းယာယီခန့်အပ်မှုကို လာမည့် ၂၀၁၅ခုနှစ်အတွင်း KNLA ၏ (၆)လပတ် အစည်းအဝေး ထပ်မံ ပြုလုပ်သည့်အခါ ဗိုလ်မှူးစော လှငွေအား G-1 အဖြစ် KNLA စစ်ဦးစီးချုပ် ဗိုလ်ချုပ်ကြီးစောဂျော်နီက အတည်ပြု သတ်မှတ်သွားရန်ရှိသည်ဟု သိရသည်။ KNLA တွင် အဆင့်လိုက် စစ်ဦးစီးမှူး ၃ဦးရှိရာ ၎င်းတို့မှာ စစ်ဦးစီးမှူး ပထမတန်း G-1(ယာယီ)အဖြစ် ဗိုလ်မှူးစောလှငွေ၊ စစ်ဦးစီး မှူး ဒုတိယတန်း G-2 အဖြစ် ဗိုလ်မှူးကြီးစောဒိုမိုရွှေနှင့် စစ်ဦးစီးမှူး တတိယတန်း G-3 အဖြစ် ဗိုလ်မှူးစောတာမလာသောတို့ ဖြစ် ကြသည်။

ဗိုလ်မှူးစောလှငွေသည် ကေအဲန်ယူ၌ တောင်ငူခရိုင်၊ တပ်မဟာ(၂)တွင် ရုံးထိုင်မှူးအပြင် ဗဟိုစည်းရုံးရေးနှင့် ပြန်ကြားရေးဌာန တာဝန်ခံ စသည်ဖြင့် တာဝန်ထမ်းဆောင်ခဲ့ဖူးသလို (၁၄)ကြိမ်မြောက်ကွန်ဂရက်တွင် တွဲဖက်အတွင်းရေးမှူး(၁)အဖြစ် ရွေး ကောက်ခံခဲ့ရပြီး ၂၀၁၂ခုနှစ်အထိ လေးနှစ်ကြာ တာဝန်ယူခဲ့သည်။