Awmdawm ai Wunpawng Mungdan (sh) Ahkaw Ahkang hte Hpring Tsup ai Wunpawng Mungdaw hpe myit mada yang:
1) Asak (18) ning lahta, Wunpawng myu sha ni (num/la) yawng, Wunpawng Mungdan Shang Lawt Hpyen Dap hta nlaw htum (3) ning apnawng (gwi) ra ai.
Wunpawng Mungdan/ Mungdaw lamu ga gaw grai dam lada ai re majaw, tinang a mungdan/ mungdaw hpe makawp maga lu na matu, nlaw htum hpyen n'gun (150,000) ra ai.
Israel mungdan kaw gaw, asak (18) ning hpring sai num/la yawng gaw, hpyen dap kaw nlaw htum (3) ning amu gun hpai ra ai re.
2) Ya yang Wunpawng Mungdan Shang Lawt Hpyen Dap hpe ta-tut woi awn nga ai, ningbaw ningla ni mung ndai lam hpe myit shingran let amu bungli galaw ra ai.
Ra ahkyak ai hpyen laknak ni hpe tinang nan chye galaw hkra shakut ra ai. Atsam ningja rawng ai Wunpawng shayi/shadang sha ni hpe maigan de hpaji sharin la lu na matu atsam dat ra ai.
3) Simsa lam bawng ban tim mung, hpyen n'gun lu madun yang she, tinang myit mada ai ahkaw ahkang hpe lu dara la lu na re majaw, Wunpawng Mungdan Shang Lawt Hpyen Dap n'gun ja na matu gaw grai ahkyak nga ai.
4) Nawku makam masham hpung ni hpe woi awn taw nga ai hpung up, hpung sara/num ni, wa jau/ ma ma ni mung ndai lam hpe shingran mu let, Myu Wunpawng sha ni hpe myu tsaw mung tsaw myit sharin ya ra ai.
5) Awmdawm ai Wunpawng Mungdan (sh) Ahkaw Ahkang hte Hpring Tsup ai Wunpawng Mungdaw hpe myit mada yang, myu sha ni yawng, hpyen la/ hpyen num galaw gwi ra ai.
6) Myu hte mungdan a matu asak apnawng gwi ra ai.
Lahta de tang madun ai lam ni hpe nlu galaw dingsa gaw, ahte yawng myit mada ai mungdan/ mungdaw lu na nre. Ndai gaw, lahtum nshut re.
Chyeju hte manaw manang ni hpe hpang de mung shalai ya marit.
