Share Ninghkring Langai

Myitrum manang ni, "Share Ninghkring Langai" ngu nna, Sara Naw Ming hpe shagrau sha-a dat sai yaw. Daini gaw, Loije hte Maijayang lapran, (Pranghkawnyang, Myen hte KIO jarit lapran) e, Awng Min wa woi awn ai Myen asuya masha marai 5 hte KIO de na marai 6 gaw, mahku mara gamung dup jahta chyai na matu, rawt sa wa sana re. Anhte a salang ni, asan branglang hte tengman ai lam hpe Tai ni she n chye htan matut lu hkra tsun shaga lu mu ga, KK shung ya u ga, kyu hpyi ga lu oi. Aung Min ngu ai wa grai Mik ai wa re da.
JIC+++read more
"Share Ninghkring Langai"

Lahkum Lahpai S'ra Naw Ming,
Anhte a Share Ninghkring;
Majanpa a shawnglam du,
Tengman lam shadan mayu;
Video Camara K'ba hpai,
Sinat laknak n lawm ai;
Majan hkat de ni kahtep,
Share ni hte rau kayep;
Labau sumlahkrung dem la,
Pala hkra na n hkrit da;
Nji n-gu myit maju,
Sumlahkrung chyu dem daru;
Kajawng kaja pala jung,
Hpyen a machyu gaja sung;
2012 Jan:4,
Tsatan kaba wa mani;
Kahtet kamawt shiga dai,
Wunpawng Mungkan she chyam sai;
Yehowa kaw kyu jawm hpyi,
Sara Naw Ming n mai si;
Miwa a Yunan Mungdaw,
Tsi tsi hkam la madang tsaw;
Janghkawng,Mangshi, Kunming du,
Tsang ra dik ai ningma lu;
Yehowa a L'mu kasa,
Shani shana bau sin ya;

Nachying Myu tsaw ai shadang,
Anhte a myit rum manang;
Makam masham mung kaba,
Yehowa grai tsaw ra nga;
Ningrum jan Nhkum Seng Aung,
Sumlahkrung shayi gumhkawng;
Lamu Kasa ni hte rau,
Nja nhpra let dawjau;
Ya sara "Ming" mai tsai wa,
Doctor ni pyi mau mahka;
Sawa dingla yawn madai,
"Ming" hpe n lu sha kau sai;-----da.
Daini,"Atsam Ningja" kumhpa lu,
Tinang Myu hte Mung matu;
Vote shadang 51.25,
US $ mun mi nga;
Wunpawng arawng satang rai,
Hpanwa shadan shadawng ai;
Nachying chyeju shakawn ra,
Mungkan she gumhkawng mat hkra;
Myusha Awng Padang langai,
"Ming" hpe chyeju kaba sai; oi----.

Chyeju shakawn let,
Shanglawt Tsing
(31.5.2012, 1:00 AM )