Iya Karai Kasang

Myitrum manang ni, “Iya Karai Kasang” ngu ai Ga shagawp shagun dat ai yaw. 28 ya shani Tai ni Pangwa jarit hpundung 6 maga grai bai htim lung wa ai hpe mani(29 ya) anhte a Share Ninghkring ni bai lu shachyut shabra ginhtang kau dat lu ma ai da. “ N mai byin sai, N mai byin sai;” ngu,shanhte shada jak hte jahtau hkat ai mung KIA hpyenla ni atsawm na lu ma ai lam shiga na lu ai. Awng Padang Yehowa KK hpe chyeju dum ga i. Bai, Shawnglam Share Ninghkring ni grai hpanggara tim ntsin n lu lu ma ai majaw Yehowa jaw ai tsi rai nga ai; jit ji lu ai lam mung na lu ai oi. Daihpawt gaw jau jau kaw na marang htu nga ai. Marang ntsin ja lu na masai ngu myit dum ai. Hkam jan lu mu ga, ten shagu kyu hpyi dum ga i.

 JIC+++read more++

 Iya Karai Kasang Htani htana Wenyi K’rai, Sumsing Mungdan e ningngai; 
Nachying Hpungshingkang kaba, Shingra t’ra mung SHI rai nga;
 Shawng ningnan mung SHI hpang ai, Htum ngu n nga mung SHI rai; 
Hkawhkam ni a hkawhkam wa, Tsaw htum galu kaba nga; 
Jahtum chyalai n-gun rawng, Hpanda Karai ngu gumhkawng;
 Chyoi pra san seng dik htum ai, Sadi dung Yehowa rai;
 Chye wa ningchyang K’rai Kasang, Yawng hpe hpan da ai madang;
 Hpan da hkrum ai SHI n rai, Hpan da Madu SHI nan tai;
 Kam sham ging ai Yehowa, Kaga Karai mi n nga;
 Hkap la kam sham shinggyim m’sha, SHI teng teng wa makawp ya;
 Shaga yang htan ai Karai, Mahtai jaw ya lu ai hkrai;
 N dang di lu hpa n nga, Dang di lu nga m’gup sumhpa;
 Jan sh’ta shagan l’mu ganghkau, SHI hpan da di madu n rau;
 Sumsing kaw na ng’rai du hkra, Grin da lu ai K’rai masa; 
Shinggyim m’sha hpe ngarai kawn, Hkye la na masing gran tawn;

 NSU n nawn ai Karai,
 “ Ngai hta lai kaga n mai; Ngai Karai Kasang ajet, Kaga Karai hkum shamyet;
Hpara sumla hkum galaw, Hkum gadawng hkum nawku yaw;” da.
 Bai, Hkrang bung maren hpan tawn da, Teng man hkum tsup dik ai wa;
 Dagam dala tawn da ai, Shaman Chyeju Madu tai; Ihteng a lunghkrung Karai,
Hpyen ta na gare lu ai; Myit magaw sadi n dung, Matsat nna SHI hkyet-rung;
Madat mara ding hpring wa, SHI nachying tsaw ra ai nga;
 Ihteng ni lata la hkrum, Kasha majing re hpe dum;
 Masha hkum-ngau n law tim, Lamu kasa ni rau htim; Majan shagu padang lu,
Mali kaja ninghtoi gu; Hpyen ni shengmawng shenghkang rai, Ayai aya byin mat sai;
 Mahka n sh’jup uraw hpa, Dumbru dumbra rai mat wa;
I hpe garum K’rai shingtai, I nawku ai Wa Karai

--------. Shanglawt Tsing ( 30.5.2012, 12:40 AM )