Thursday, May 17, 2012

Kahtet Majan shiga

Myit rum manang ni, Sadung maga jarit hpundung 6,7 de mani tup jan du lup majan nji n-gu anut hkat nga ma ai da. Miwa ni gaw Myen ni hpe Yinjang, Shwili hku shalai bang ya ma ai da.Dai jarit de hpyen-yen ni mun mi jan nga ai shara re. Myen hte Miwa, "Hpuk" she shang mat sam masai. KK dang kau lu na re-kam sham let, kyu jawm hpyi ga i.
JIC++readmore++
----------------------------
Laiza de laknak kaba gap bun
May (17) bat Mali
Wunpawng Mungdan Shanglawt Asuya Dap Ba (5) Ginra rai nga ai Laiza Mare de myen tai hpyen ni hpe dai hpawt hkying (4:00am) ram kawn laknak kaba ni hte gap sharu bun nga ai lam shiga na chye lu ai. Myen asuya hpyen hpung ni gaw Gan Dau Yang, Npawn Bum, Nam San Yang Kyu hpyi Bum (2) kaw na mung Laiza maga de laknak kaba ni hte gap sharu bun nga ai re lam, ya ten Du Kaba Dashi La Nan woi awn ai KIA myu tsaw share ninghkring ni kaw myen tai hpyen ni hpe shingla gasat nga ai lam shiga matut na chye lu ai. N dai majan Awng Padang Dip la lu na matu Nu Wa Hpunau Mungchying sha ni yawng akyu ja ja jawm hpyi garum ya na matu shawng lam majan pa kaw na garum hpyi dat ai lam hpe mung na chye lu ai.
--------------------------

May (17) bat Mali
Wunpawng Mungdan Shanglawt Asuya Dap Ba (5) n pu Dung (19) ni a ginra rai nna ya ten myen tai hpyen ni zing da ai Pan Tsun Post kaw KIA myu tsaw share shagan ni hte myen hpyen hpung ni shani shagu ngu na ram gap gasat nga ai lam na chye lu ai. May (16) ya shani mung matut gasat ai hta myen tai hpyen ni gaw Daw Hpum Yang, Hang Kai bum kawn (120mm) laknak kaba ni hte gap garum bun nga ai lam na chye lu ai.
---------------------
An hte hpang Yehowa Karai Lawm ai re majaw grai wa gaw tsang nra na re.
Kyu hpyi karum nga ga