Daw chyan Share Ninghkring

Myitrum manang ni, majan pa e asak ap nawng mat wa sai Share Shagan ni law mat wa sai hte maren, Hkumhkrang daw chyen ap nawng kau ai Share Ninghkring ni mung law la sai . Shanhte a tsin-yam hpe myit dum ai majaw,daini na Ga baw gaw,"Daw chyan Share Ninghkring" ngu ai rai sai yaw. 8 ya shani na Nahpaw –Pajau gasat poi hta Shanglawt Hpyendu 1 hte Hpyenma 1, asak ap nawng mat wa sai lam na lu ai.Kyu hpyi myit dum ga yaw. JIC++read more+++ Myu hte Mungdan a matu, Shawnglam majan pa de du; Tai a htim gasat majan, Ninghkap majan hkrai san san; Myu tsaw hpyenla Share ni, Asak ap nawng pyi tingtsi; Hkumhkrang daw chyen ap nawng ai, Sh're Ninghkring she grau yak sai; Pungkum chyen mi malawk kau, Ahkum chyen mi machyi hpyau; Lagaw lata n hkum mat, Myi maga mi malawk hkrat; Ahkum chyen mi katsing si, Shamu shamawt n mai di; Dung dat rawt dat grai nan yak, Manang n lawm grai yak hkak; Myu sh'yi K'nu ni sa gawan, Salum kata machyi nan; Prat tup matut pra na lam, Ningrum ningtau she lau tam; Myu Tsaw Myit majing kadai? Prat tup daw jau na she tai; Ten hpring n-gun jaw na ra, Teng man Myu Tsaw Myit kaba; Ndau shana dat ai yaw, K'dai mying j'hpan bang na law? Sumtsaw rai yang grau kaja, Tsaw wa hpe nang hkum kau da; Teng man tsaw myit Myu a m'tu, Hkawn ram ni ja ja myit yu; rai ra sai lu oi........... Shanglawt Tsing 10/5/2012