Myit rum manang ni,
Shanglawt Tsing gaw, Shawnglam Share Ninghkring ni lusha garut hkra hkra, Myu hte Mungdan a matu shakut nga ai hpe chyu majen nna, Maroi nni masin n si ai hte, lusha gam akyu hpyi lawm ai; shat mung jum hte sha, sha yu ai; lani mi hkying hkum 4 sha yup yu ai rai yang, hkamjan lu ai majaw, grai n-gun lu nga ai raitim, shani shagu Ga shagawp n lu gawp mat na tsang ai majaw lusha man man sha, man man yup rai bai shakut taw nga sai. 25 ya shana gaw yuptung e ph. shang wa ai,"Daina Laiza hpe atsai nat kau sana re da; MKA kaw tsun garu nga ma ai" da law! Hkum rai mayu,Shanglawt Tsing ni woi mun rawng pyi n ngu kau ya ai rai sa. Grau pyi she yup paw. Daini na Ga shagawp gaw, Mungmasa Sumtsaw matut re yaw.
