62 LANG NA JINGHPAW WUNPAWNG CHYUM HKAWLIK JAWNG YU POI KABA

 

Dai rai nna, daini awng pru wa ai Chyum Hkawlik shayi shadang sha ni mahkra mung, krung hkaraw, shagawng bumlang, maling mala shara shagu hkan e, zingri zingrat hkrum, kawsi hpang gara chyum nga ai tinang amyu sha ni hpe kawan katsan lakawn lanawn ya na, wenyi mungga htawn tsun let, n-gun awai ya na ni rai nga ma ai ngu, amyu sha ni myit mada kamhpa nga ga ai. Sagu rem kaja ngu ai ni gaw, sagu ni du nga ai shara, lungrawk ntsa de rai ti mung, maling mala htat ai shara hkan rai ti mung, chyahkyawn ni a ka-ang de rai ti mung, si ai hkaraw a shingnip de rai ti mung, n hkrit n tsang kawan katsan hkawm sa na Hkristu a sape ni rai nga sai hpe, daini tsinyam hkrum let hkrap madai nga ai amyu sha ni myit mada kamhpa nga saga ai. Sagu latsa hta jahku shi jahku hpe lawng e woi rem da lu tim, mat mat ai langai hpe n mu mu hkra naw hkan tam la na kangka ai sagu rem kaja ni rai sai ngu, myit pyaw kabu nga saga ai law.READ MORE+++click