(JINGHPAW WUNPAWNG AMYU SHA DEMOKRESI GINRUN PATI)
Kachin National Alliance Party for Democracy ( Jinghpaw Wunpawng Myu sha Demokresi Ginrun Pati ) gaw 2008 ning, Myen mung ning pawt ning hpang gaw da tara hpe ning hkap ai pati langai rai nga ai, hta n-ga 2008 ning, ning pawt ning hpang gaw da tara kata hta paw pru wa ai asuya hpe mung nhkap la ga ai. Dai hte maren tara shang mung masa pati mung nrai nga ai. Dai majaw Wunpawng mung dan shang lawt asuya woi awn nga ai mung masa hkrun lam hpe madi shadaw n-gun jaw ai rai nga mali ai.
1. Wunpawng mung dan shang lawt asuya hpe madi shadaw ai ngu ai lachyum gaw; Wunpawng mung dan shang lawt asuya woi awn nga ai mung masa hkrun lam hpe kam ai ngu ai lachyum rai nga ai.
2. Wunpawng mung dan shang lawt asuya hpe myit mada ai ngu ai lachyum gaw; wunpawng mung dan shang lawt asuya gaw, wunpawng sha ni a myu sha gam maka hte mung dan lam hpe teng teng man man tsap nna, gaw gap woi awn nga ai ngu ai lachyum re.
3. Wun pawng mung dan shang lawt asuya a lakung lakap tai na ga ai ngu ai lachyum gaw; Wunpawng pawng myu sha ni rai nga ga ai marang e tinang dingdi dang dep ai lam hta myu sha a matu shakut garum na lit nga ai ngu ai lachyum rai nga ai.
4. Tai hpyen ngu ai lachyum gaw; anhte wunpawng myu sha ni a myit hkrum gahkin gum din lam hpe je hpre ai hpyen ni hpe tsun ai rai nga ai, hta n-ga anhte myu sha ni rawt jat kung hpang wa na lam hpe nra sharawng ai, dip rip ai hpyen wa hpe tsun ai rai nga ai.
5. Myu sha ni myit mang shabawn ra ai ngu ai lachyum gaw; myu sha kaji kaba, matsan lu su n-ging hka, shada da hkungga lara nna, myu sha lam hta yawng gaw lit nga ai ngu ai lam hpe madung tawng nna myu sha ni a lawt lam hpe Karai Kasang kaw na n-gun hte jawm gaw gap ra ai ngu ai lachyum rai nga mali ai.
By KNADP
