Nhtoi: 8/10/2014
Hkawp hkungga ai
Wunpawng Mung dan Shang Lawt Hpung/ Shang Lawt Asuya ning baw ning la ni yawng hte
Wunpawng Mung dan Shang Lawt Hpyendap share shagan ni yawng hpang de, dai ni
gaw anhte Wunpawng myu sha ni a share shagan nhtoi rai nga mali ai.
Ndai
zawn anhte Wunpawng myu sha ni yawng a matu ahkyak dik ai nhtoi rai nga mali ai
lam hpe anhte “JINGHPAW WUNPAWNG MYU SHA DEMOKRESI GINRUN PATI” wuhpung ni hku
nna Wunpawng mung dan hte Wunpawng myu sha ni yawng a malai tinang asak hpe ap
nawng lai mat wa sai shang lawt hpyen du hpyen la, share shagan ni yawng hpe
ndai ndau laika hte rau hkung ga jaw dat lu ga ai law. Matut nna mung, ya aten
hta Wunpawng mung dan hte Wunpawng myu sha ni yawng a lawt lam hpe tinang sak
hpe arang bang let shawng lam majan hta ap nawng nga ai MHH hte hpyen du hpyen
la ni yawng hpe mung hkungga jaw dat ga ai law.
Wunpawng
myu sha ni yawng hpang de mung, ndai ndau laika hte hkungga la ra shatsam n-gun
jaw dat mayu ga ai law, mung dan kata, shinggan nga wunpawng myu sha ni yawng
tinang myu tinang mung dan a matu da kring da lang shakut garum nga madai hte
maren myit hkrum lam hpe npawt tawn ai myu sha myit jasat hte matut nna shakut
nga na matu hpyi lajin mayu ga ai. Anhte Wunpawng myu sha ni yawng gaw dip da
hkrum ai lam amyu myu kaw nna, lawt lu na matu hte jet ai demokresi mung dan
gaw gap na matu shakut nga ai hkrai rai nga ga ai. Dai majaw tinang nga ai jut
shara shagu hta tinang myu a matu lakung lakap tai let n-gun da ting nga ga
law.
Hpang
jahtum hku nna ya hkyak hkyak Wunpawng mung dan shanglawt hpung/ shang lawt
asuya hta myu sha lam hte mung dan lam a matu ding ding man man tsap let shakut
nga ai ning baw ning la ni yawng hpe mung tsawra hkungga nga ga ai. Madi shadaw
nga ga ai. Myu sha lawt lam hte mung dan lawt lam a matu lam n-yit ai sha matut
woi awn ya nga na matu mung ra sharawng kam hpa nga ga ai lam matut nna myit
mada nga ga ai.
Mung
dan kata hte mung kan shara shagu chyam bra nga ai wunpawng kanu kawa myitsu
kaji kaba ni yawng hpe mung, myu sha lam hta matut manoi jawm shakut nga ga,
myit hkrum mang rum rai nga ga ngu nna matut shatsam let ndai laika hpe hpung
dim dat sai law. Wunpawng mung dan hte Wunpawng myu sha ni yawng hpe hpan wa
karai shaman chye ju jaw ya nga u ga.
KNAPD pati
By:
