Tuesday, January 3, 2012

KIA Masat (5) Dap Ba Ginra, Man Mau Kaw Gasat Poi Byin.

2012 ning January praw (1) ya shana maga hkying (1:00)pm aten daram, KIA Masat (5) Dap Ba ginra, Man Mau lawu kaw, Myen Hpyen Dap, Hk.L.Y Masat (40), Hk.M.Y Masat (388) na hpyen hpung ni hpe KIA Masat (5) Dap Ba na hpyen hpung ni bawm hkap dem gasat ai lam chye lu ai.

Lahta Sam Mung KIA Masat (4) Dap Ba, Dap Dung (2) ginra, Mung Paw kaw gale pru wa ai Myen Hpyen Dap, Dap mying n chye ai hpyen hpung ni hpe KIA Masat (2) Dap Dung na Du Naw Grawng woi awn ai hpyen hpung ni hkap gap nna gasat poi byin ai lam chye lu ai.

January praw (1) ya shana maga hkying (3:30)pm aten kawn (4:00)pm aten laman hta KIA Dap Nawng Daju Ginra Sama lam numshe hku nna shang wa ai Myen Hpyen Dap, Dap mying n chye ai hpyen hpung ni hpe Dap Nawng Daju, Dap Dung na hpyen hpung ni mile (9) kaw bawm hkap dem nna gasat poi byin ai lam chye lu ai.

Gasat poi byin ai ginra ni hta lahkawng maga de na si, hkala hkrum ai lam hpe atsawm n chye lu ai. By/kachinnet