Daini na ga shagawp ningnan, “EdkifiHa&;aqG;aEG;yGJqDodkU” Myen hku shagun dat sai yaw. Kyu aja awa matut hpyi ga. Majan shiga loi shana dat ai.
16.1.2012 (Monday) shana de jan du wa ten, Manmaw lam, Malang Yang hte Dawhpum Yang lapran, Uhtang Yang Kahtawng ang e, Myen ni, “&ifuGJawmif” ngu shamying da ai shara hta, KIA Myu tsaw Hpyenla ni Tai ni hpe 2 ½ hours aging hkap gap sharu ma ai lam chye lu ai.
Mabyin
Tai hpyen modo 20 daram, Tai hpyenla ni, (dap gayau gaya) n dang hti hkra, Numlang ngu ai Jinghpaw hte Sam hpawm chyawm ai kahtawng kaw wa but taw nga ma ai. Dawhpum Yang kaw mung dai hte maren Tai ni sumpum sumpam wa but taw nga ai. Numlang gaw, Manmaw de na lung wa yang, Malang Yang garai n du ai shara kaw re.
16.1.2012 shana de jan du wa ten, dai Numlang kaw na Tai hpyenla ni grai law hkra lagaw lam hku Dawhpum Yang de yan lung wa ma ai. Myu tsaw hpyenla ni gaw, Uhtang Yang, “hill” kaw na tsammari hkap gap ai shaloi, Tai kau mi Ma nsen hte “tarav;- tarav;” ngu marawn jahtau hkrap garu si jawng ma ai; Ma hpyenla grai lawm ai lam chye lu ai. Dawhpum Yang kaw na Tai ni myawk kaba hte aging chyan gap ma tim, KIA hpyenla ni hpe n hkra ai; Tai Ma ni kade si ai jahpan pyi tak n chye ai; grai law ai nga nna, myi chyaw mu ai Mungmasha modo la ni hte kahtawng masha ni tsun dan ai. (Chyeju shakawn ga.)
Bai, ndai lapran 2 maga nhtoi 5 ya sinat n shangoi na hku re da. Raitim, Tai ni lama makkara (htaw wa htaw sa shamu shamawt hkawm sa) galaw wa yang, Myu tsaw hpyenla ni lata hkintum tsap yu taw nga na n re lam chye lu ai majaw grai n–gun lu ai.
