Hpakant ginra de tai hpyen n-gun grai htu lung wa nga sai majaw, majan byin wa na hpe hkrit tsang nna, Hpakant modo lam, Nam Ya mare hte Lawng Hkang mare lapran, Pya Ung, Chyauk Hpya mare, Deng (5) shara hkan shanu nga ai Mung shawa masha ni gaw, ya ten Lawng Hkang mare grup yin hkan na, Nawku Jawng ni hta hprawng koi yen nga ma ai lam na chye lu ai. N dai zawn koi yen hkawm ai hta,
1. Maw Si Za Hkalup Hpung Hkrstan Nawku jawng wang kata kaw du nga ai hpyen koi yen masha yawng marai (128)
2. Maw Si Za Hpung Gyi jawng wang kaw du nga ai, hpyen koi yen masha marai (301)
3. Lawng Hkang Hkalup Hpung Nawku jawng wang kata kaw du nga ai, hpyen koi yen masha marai (281)
4. Sha-it Yang mare kaw du nga ai, hpyen koi yen masha marai (170)
Yawng pawng Mung shawa marai (880) daram yak hkak jam jau, hkrap myi prwi ni hte garen gari rai, Hkristan Nawku hpun ginra ni hkan hprawng shanu shingbyi nga nga ma ai lam hpe na chye lu ai.
By: JPKS
By: JPKS
