wa Zawng Hkawng hpe Laiza Mung Shawa Tsi Rung, Wunjat Gawknu hta moimang makoi mayang kyuhpyi hpawng galaw ai lam hpe chye lu ai.Hkyuhpyi hpawng hpe Laiza Buga Hkalup Hpung, Hpung woi sara ni kawn woi awn nhtawm Du Kaba Lauwa Zawng Hkawng a hkum tsawp moimang hpe Laiza Muk Lum Shawa Lup wa hta makoi mayang ai lam hpe chye lu ai.
[B]Du Kaba Lauwa Zawng Hkawng A Labau Kadun;-[/B]
Shangai Chyinghkai Prat Pra Sa Wa AI Lam.
Jihpwi Lawk Hkawng, Sawng Taw Ya Lawng Mare na (Slg. Lauwa Dau Zawng hte Jan. Ba Le Bawm Win) yan a nshang hkrat kasha rai nna, 1951 ning, Dec. (23) ya shani shangai chyinghkai wa ai Lauwa Zawng Hkawng re ai.
1958 ning hta Sadung Ginwang, Ngwi Gawn Ninghtawn, Woi Rawng mare de htawt sit nga ai. Dai hpang, 1961 ning hta Hpyen masa a majaw, Pan Tsun mare de bai htawt sit hprawng nga ai. 1964 ning hta Pan Tsun mare kaw nna Jawng sa/wa dep ai shara, Gaw Nan Shanglawt Lawu Tsang Jawng hta Jawng Lung hpang ai. Dai Jawng hta Tsang (4) du hkra sharin hkam la sai.
Kung Dinghku De Sa Wa Ai Lam
Jan. Hpakawn Htu Ting hte 1976 March (26) ya shani Hkungran mayaw htinggaw de nna, kasha Dr. Lauwa Hkawng Naw, Lauwa Hkawng Nyoi ya hpe shangai shaprat la lu ai.
Jan. Shezang Hkawng Nan hte 1992 ning hta mayaw htinggaw de nna, kasha – Shayi Lauwa Hkawng Tsai, Shadang Lauwa Hkawng Lum, Shadang Lauwa Hkawng Dau ni hpe shangai shaprat la lu ma ai.
Nshang Hkrat Kasha Ni Kashu Ni
1.Dr. Lauwa Hkawng Naw.
2.Shayi Lauwa Hkawng Nyoi.
3.Shayi Lauwa Hkawng Tsai.
4.Shadang, Lauwa Hkawng Lum.
5.Shadang, Lauwa Hkawng Dau ni rai ma ai.
1.Dr. Lauwa Hkawng Naw hte Myitung La San yan a kasha ;-
1.Myitung May San Tsawm
2.Myitung San Ring Lat
3.Myitung San Pan Ja ni rai ma ai.
Ja Gumhpraw Tam Hpali Hpaga Galaw Sa Wa Ai Lam.
Du Kaba Lauwa Zawng Hkawng gaw, 1967 ning kaw nna, Lung Seng htu, Dut, mari magam hte Ja htu/dut mari magam ni hpe madung galaw gun hpai let, Wunpawng Amyu Sha ni a Sut Du Kaba langai byin tai lu hkra shakut shaja galaw sa wa ai.
Buga Company hta mung 1995 ning kaw nna Company arang bang nhtawm, Company Director hpung hta shang lawm ai. Buga Company a General Manager (GM) magam lit hte Lung Seng magam bungli hpe madung lit la nna 2001 ning du hkra myit lawm hkum lawm shakut shaja gun hpai lai wa sai.
Mungdan Magam Gun Hpai Ai Lam.
Du Kaba Lauwa Zawng Hkawng gaw Jawng hkring ai hpang, Wunpawng Mungdan Shanglawt Hpyen Dap Masat (6) Dap Dung hta Gyi tsang du hkra magam gun hpai lai wa sai.
2002 ning kaw nna NDA-K Ginjaw Salang magam lit hte Sut Masa Lit Hkam magam lit hpe matut gun hpai ai.
14-9-2005 ya shani NDA-K (Ran) a Ginjaw Komiti Salang magam lit hpe matut gun hpai ai.
2006 ning, July shata kaw nna, (NDA-K (Run) Dap a Dap Awn Daju magam lit hpe Du Up Jum tsang hte lit gun hpai nga let, KIO hpe ningshawng shatai manoi manat nna KIA Hpyen Dap hte ta gindun magam bungli galaw gun hpai sa wa ai gaw dai ni na aten du hkra rai nga ai.
Machyi Makaw Tsi Tsi Hkam La Ai Lam.
Shawng nnan machyi makaw byin wa ai hte Laiza Mung shawa Tsi Rung hta tsi gawn lajang ai. 18-12-2011 ya shani Miwa Gumsan Mungdan, Mang Shi Tsi Rung de matut tsi lajang na matu sa wa ai. Mang Shi Tsi Rung kaw nna 19-1-2012 ya shani Kunming Tsi Rung kaba de matut tsi tsi hkam la ai.
Tsi Rung Tsi Du ni hte dang lu ai made Tsi lajang ai raitim, jum nga ninglen tat, yu nga ninglen shamat, Amyu Mungdan hte myitrum manaw manang yawng hpe shingdu galau, wun yaw myiman gamau nna, 21-1-2012 ya jahpawt 04:40 Am ten nsoi yum, nsa htum nna, Madu Yesu hta yup pyaw mat wa sai.
Kasi Yu La Mai Ai Lam Ni.
1. Du Kaba Lauwa Zawng Hkawng gaw myu tsaw mung tsaw myit ngang kang nna ap nawng gwi ai.
2. Amyu ru sai n lata, tinang Amyu sha, manaw manang ni hpe grai garum shaingtau zinlum chye ai wa re.
3 . Ang wa ai magam bungli ni hpe n yit n hprai kang ka tup hkrak galaw gun hpai chye ai wa re.
Read more+++Kachinnet.net
