Anhte amyu sha ni a Mung masa hpe Htingbu Mungdan Kaba langai wa hku sha laba ka-up la mayu wa ai masa gaw Amyu sha shimlam a matu grai tsang ra ai. Federal hku nga na rai rai/Awmdawm Shanglawt Mungdan myi gawde mayu ai rai rai, Maigan Mungdan Kaba ni law law hte mahku mara (diplomacy) n-galaw yang gaw anhte a masa ni grau kaja na lam n-nga ai.
Ga shadawn, Crimea hpe htingbu Mungdan Russia wa garum ya nna Awmdawm shanglawt woi lu mat sai rai tim, daini du hkra Crimea Mungdan Ningbaw hpe kadai nchye ai. Crimea a masa gaw Coloni Madu kaji kawn kaba de woi htawt la masa daram ngu nna sha mu lu ai.
Myen Mung Asuya ban hte ban mung ndai hku Mungkan Rapdaw hte Maigan Asuya ni anhte a manghkang hta shanglawm ai hpe grai myi yu ju ai. Dai ning na 21st Century Panglong Conference hta UN Special Envoy nshanglawm ai hpe myit yu hpa re.
Ndai lam ni a majaw, anhte matut hkawm sa wa na lam ni gaw anhte a foreign policy (diplomacy) hpe n-shagyip ya na ahkyak ai ngu mu mada ai.
