Ndai laika ka hpe yu yang Kachin ni hpe 1895 kaw na English Mung maden ni up hkang hpang wa ai. Hpa majaw nga yang Myen hkawhkam a n pu e n nga ai majaw re. Myen ni hpe gaw 1824 kaw nna up sha bang wa ai wa 1886 hta tsepkawp English a n pu rai mat sai.
Jinghpaw Wunpawng amyu sha ni gaw gara Myen hkawhkam a npu e mung nnga ai, rai timung ahkyak ai majan ni hta jinghku manang hku makawp maga gasat shanglawm lai wa sai, nga Duwa Zanhta Sin ka ai Demokrasi Nhtang Hku hta mu lu ai.
Englik-Myen majan 1885, October shata e ngut nna Myen sum mat ai. 1886 ning kawn Myen hkawhkamdan hpe Englik la kau dat sai. 1886 Englik hpyen hpung ni Manmaw de Jinghpaw buga hpe mung jat bang la na matu du gale htim kasat let maden bang wa sai. 1886-1915 laman Englik-Jinghpaw majan law law lang byin sai. Ndai Majan hta Amyu langai hku, amyu a malai buga hpe makawp maga ai hku hkap manga gasat ai.
Englik hte gasat gala byin yang gaw Miwa Mungdan a malai mung n re, Myen hkawhkam a malai mung n re, anhte amyu a malai sha gasat ai. Ndai lailen hpe
awm dawm ahkaw ahkang luai amyu ni a akyang lailen (sovereign nation) Awmdawm mungdan ngu nna
lachyum shapraw la nga ai.
awm dawm ahkaw ahkang luai amyu ni a akyang lailen (sovereign nation) Awmdawm mungdan ngu nna
lachyum shapraw la nga ai.
Anhte amyu ngu ai a lachyum gaw, wuhpung kaba raitim amyu langai sha hku nna sha shamu shamawt ai, ngu nga ai. Ndai a lachyum gaw, "amyu langai, amyu masa lailen langai (one people, one nation)" re.
Dai majaw English ni up ai shaloi ndai Kachin Hill-Tribes Regulation hte upkang lai wa sai. "Amyu langai, amyu masa lailen langai (one people, one nation)" hpe hkungga ai majaw re. Myen hkaw hkam a n pu e n taw ai amyu re hpe sakse madun ya nga ai.
1947 ning hta sinat kalang mi pyi n kapaw ai sha Panglung kaw myen a n pu de taw ra mat sai. Mon ni, Rahkai ni hpe zawn Kasat nna dan la ai mung n rai! Daini Tsaban 21 Panlung hte Jinghpaw buga, Amyu Langai, Amyu sha masa lailen langai (One People, One Nation) shamat na hkyen wa nga ga ai. Myen mung Simsa na matu Kachin amyu shamat masa kun? Sovereign nation shamat masa kun? Myen mung simsa yang Kachin ni mung simsa na teng ai kun? Ngai hkrai myit yu, ngai hkrai mau!
>>>>>>>>>more photo click on link<<<<<<<<<<<<<<<
