Wa

Wa e; ; Kawa nhtoi du shaloi, Shingran hta myiman asoi; Wa dingla Ugutgu ai, Sak sanitshi she rai mat sai; Raitim Wa le-ya ten du, Kanbau bungli Wa shi chyu; Ya gaw hpyen-yen dabang e, Wa shingtai shi chyu le....; Nu gaw jau jau wa shakram, Kanam kashu n lu dam; Ngai kasha Shanglawt Hpyenla, Kahpu kanau n lu nga; Ya ten Wa hpe chyeju htang, Wa a makau e nga ang; Wa hpe bau na ten n nga, Kanam la na ten kata; Kasha shawnglam majanpa, N si yang gaw bai wa na; Wa nang Myutsaw hpyenla tai, Dingla Ugutgu mat sai; Ya Ma, Wa a hkang galai, Wa zawn Myu hpe tsaw nngai; Maigan wa a roi rip lam, Loi sha pyi hkam n kam; Ginlut kau ai lamuga, Yawng mahkra bai lu la hkra; Roi rip hkrum ai Myu Shayi, Shanhte kam ai hku mi di; N lu ai Shinggyim hkawhkang, Ra sharawng let gasat nang; Palamla gasat lamu du, Maubung hpa she rai sai lu! Lama kasha Wa hpang de, Kalang mung bai n gale; Myit dik u lu! Chyinghkai Wa, Magrau grang Myu tsaw Hpyenma; Kasha shingtai mi raitim, Ap nawng kau sai Wa myit zim; ; Yehowa ahkang bai jaw, Awng Padang hte wa shachyaw; Ma hpe hkap tau la rit Wa, Kabu gara hkalum la; Kanam la na ten mung du, Wa hpe k'bu shangun mayu; Karai kaw kyu hpyi ga i ya, Tsaw ra dik ai chyinghkai Wa. Shanglawt Tsing (16.6.2012,6:00AM)