Monday, June 18, 2012

Chying hkai wa

          Myitrum manang ni,Kawa Masat Nhtoi hpe shagrau sha-a let,"Chyinghkai Wa " ngu ai ga shagawp hpe bai gawp shagun dat ai re.Chyinghkai Wa ni yawng hpe ndai Ga shagawp hte hkungga  jaw dat ai. Chyinghkai Wa ni yawng Ngwi pyaw nga myit ga. JIC Wa Wa, hpyenla dingsa, Myu hpe grai maga; Daru Magam rawng, Majoi n shakawng; Hpunglam mung woi awn, Mare bungli sawn; Htunghking g'lu k'ba lam, Num hpyi K'sa tai kam; Dinghku lit n hprai, Yi hkauna g'law ai; Ashu ashan gyam, Ja gumhpraw mung tam; Shingnoi htingga g'law, Kaman n mau taw; L'ta amu n tat, Kashu K'sha mayat; Nu hpe sadi dung, Annau ni hpe sh'kung; Asak bau ai Wa, Amam hte bung nga; Nu gaw Shatajan, Wa gaw Htoi San Jan; Simsa lam Nu jaw, Shingkang lam Wa maw; Nu sh'tajan shang mat, Wa shingkang hkoi mat; Garen gari tai, Nu Wa aten wai; Prat ningsin kata, Annau ni chyu sha; Wa a hkringhtawng g'lai, Wa hpe marit ai; Kangka k'sha tai na, Myu hpe makawp ya; Wa a Kasha Ngai, Mungm'sa Ninghkring tai na nngai yaw. Shanglawt Tsing (18.6.2012, 6:00AM)