Ma n htoi

        Myitrum manang ni, "Ma Nhtoi" Ga shagawp shagun dat ai yaw. Lajin ra ai lam langai,mani (14.6.2012) na Mungmasa Sumtsaw VIII(matut-3) ningra mat ai majaw, daini laksan bai kahtap shagun dat ai. Mani na hpe shaprai kau nhtawm, daini na hpe shagrin da na matut lajin dat ai. Shut ningra ai shara 2.re (1)laika man 1 hta, paragraph (7) ngu na jahtum na ga yan,"Hkam d'ga ngangkang jahkrup ra;" nga ai ga yan hkrat mat ai.(2) Hpang na laika man hta, paragraph (3) a No. 5 hta "Jet ai munghpawm hpe gaw-gap na  n kam ai rai yang....." ngu ai ga yan hta ahkyak dik "n" jahkrat kau ai hpe sharai dat sai re. Chyeju kaba u ga. ¬ Hparai careless byin ai i? Ndai laika galaw nga ai ten hta,hku hkau ai, Magrau grang nna majan nnan byin ten M Dkb hpe pyi chyahkrung lu gamu rim ai KIA hpyendu shabrang langai  Shawnglam e akajawng sha si mat ai shiga na ai majaw  myit maju n lu jung kau dat nna re....ngu, hkam la nngai.Daini makoi mayang na re.Myit n pyaw let, JIC June shata; ; Ma Nhtoi Ma nhtoi hpe myit dum ten, Wa gaw shawnglam de shachyen; Ma gaw hpyen-yen dabang e, Nu hte garen gari le....; Wa shawnglam majan pa du, Laning mi she ninghtoi gu; Wa ni hpe k'dai n galai, Ma hpe mung n pawn gachyai; Ma hpe Nu chyu sha chyingli, Wa shawnglam e k'ning n di; Ma, Wa hpe pyi m'lap na sai, Wa a gam m'ka tsun n mai; Wa mu da ai laning sha, Ya gaw Washa l'hkawng ning hkra; Birthday mung n lu galaw, Wa hpe mara raw ya yaw; Yehowa ahkang jaw yang, Annuwa ni hkrum zup ang; Lama n hkrum zup mat dam, Wa a numhtet ga shakram; Bai wa ginhtang lam n nga, Mungdan matu sak nawng ra; Share shagan tai mat yang, Wa numhtet ga ni tsun ang; Matsing da u lu yaw-Ma, Wa a shawnglam numhtet ga; "Ma e, Chyahkrai ginra e nga ta yaw, Nu gaw sak naw kaji taw; Shi myit dik wa hte matut, Dinghku de n mai ginlut; Myu matu ningli grai ra, Nu m'yat m'ya gumja gumhpra; Ma, kanau law law bai lu, Wa kabu let shingran mu; Dingbai dingna hkum jaw yaw, Nu hpe put pai hkum galaw; Salang ni a ga madat, Jinghku ni a ga hkum tat; Sara ni sharin ai hkam la, Ma shapan jawng ding-yang sa; Kaji kaw na Myu tsaw myit, Wa hta k'chyi pyi hkum shagrit; Myu tsaw Wa a numhtet ga, G'loi hkum malap lu yaw-Ma." (15.6.2012,6:00AM) Shanglawt Tsing ""...... Tsaw e; ; Asuya gaw, Bumnga m'sha, Ahkaw ahkang ni hpe wa; Mungm'sa l'dat hte hparan na, Kachyi pyi m'sing n nga ya; Laknak lang wuhpung ni hpe, Gap hkat jahkring ai hpang de; 2008, Constitution a kata, Gang bang kau na masing sha; Dai gaw Bumnga hpyi shawn ai, Mungm'sa laisa nhtan shai sai; KIO hte amyusha ni, Myit mada ai Panglung mi; Npawt ndung m'dung shatai, Federal Union shabyin ai; Mungmasa hkrun lam she re ai n rai ni? Oh! Tsaw e; ; Nang, Mungmasa myit grai lawm, Myusha lam-yan yawng she hkyawm, Goi! Tsaw e; Tsaw, matut she tsun dan na, Ramma ni hpe htawn yaw ya......... KIO gaw ra sharawng, Myit masin asan htawnglawng; Asuya hte amyit hkrum, Ga s'di laika jawm shalum; Dai myit hkrum lam myusha ni, Yawng ra sharawng lai kasi; Mungmasa l'dat hparan na, 􏰀Hkam d'ga ngangkang jahkrup ra; Lai sai ten na sum machyi, Mahkrum dingsa n kam madi; Dai majaw Mungdan gadaga, Shinggyim Wuhpung Hpawng Kaba; Reng hkang ya na myit mada, ai hku rai. ; 2008 Constitution kata, KIO gaw Mungmasa, Bawngban hparan na n kam, K'chyi pyi n hkap la lu lam; Tsaw; ; Dai Constitution hpe dawm kau, Bumnga masha yawng shang lawm; Yawng ra sharawng myit hkrum ai, Npawt nhpang Upadi galai; Ningnan sing she bai jawm ka, Dai ningnan she shagrin na; ngu ai n rai hka! Myit yu na lam bai sumru, (1) KIO gaw Ceasefire n galaw yu ai kun? (2) KIO hpe htim gasat nga ai kadai kun? (3) Shawng gap jahkring ra ai gaw kadai kun? (4) Shawng gap jahkring ra ai gaw, Myen asuya maga lit n rai kun? (5) Jet ai munghpawm hpe gaw-gap na n kam ai rai yang,Bumnga masha ni gaw,kaga laksan nga ra wa na hpe n mai myit ai kun? Myityunalamlawlawnga, Myen suya ndai ni wa; Nhkyau hta pyi grau magaw, Shi a myit chyu hkan shachyaw; ; Yuptung pyi she lai sai le...., Myusha lam-yan n law gahte; Nbung hprinawn nga dingsa, Tsaw hte matut mahkai na; Mungmasa lam tut htinglet, Mabyin masa hkan shakyet; Tsaw hpe chyeju dum dik ai, Yup sanu yaw tsaw— Bye Bye. Tsawe; Oh! Tsaw ; ; 􏰁Matsing: :Ga san sumtsaw jan ; ; Mungmasha Ga htai sumtsaw wa; ; Mungdan Shanglawt Tsing (14.6.2012,12:20AM)