kachin national prayer day report

Lai wa sai June 9 hte 10 ya  2012 shani ni hta Camp Hill, PA hte Willowgrove, PA     U S A shara ni kaw 'Kachin National Prayer Day Service' ngu ai Ga baw n-pu e Wunpawng myusha ni shara mi kaw marai 20 jan hpra jawm zup let,  Amyu Sha Lamyan Chyeju Shakawn Wunli la akyu hpyi  hpawng hpe ngwi pyaw awng dang ai hku galaw la lu saga ai. Camphill, PA kaw galaw ai hta, Tingnyang-up hpe Slg. Hpau Da Tu, Laksan akyu hpyi ai hpe Slg.Jan. Lahpai Hkawn Ja hte malu masha a matu Srn. Lasap Hkawng Nyoi ( Ann) woi awn shanglawm gun hpai mat wa sai. Du sa masha ni hkum dingdek dinghkrai langai hpra a mu mada hkam sha ai lam ni shada n-gun jaw garan kachyan ai ( Sharing with each other) lam ni galaw la lu ga ai. Bai, Willow Grove, PA kaw gaw Tingnyang-up hpe Sr. Laking Hkawng Lum, K.K mungga hpe Sr. Dr. Dingrin La Seng, Laksan kyu hpyi ai hpe Slg. Jan. La Ung Roi Ji hte malu masha a matu Srn. U- Se Hkawn Nu ni woi awn shanglawm gun hpai mat wa ai. Mungga htawn tsun ai Sr. Dr. La Seng hku n-na,  ISRAELE  ni hpe EGUTU  Mung kawn Hka Nan mung de woi wa ai Karai Kasang  gaw an-hte hpe mung Wunpawng Hka Nan de  woi wa na re lam hpe Chyum laika hte lakap let,  n-gun mi alu nga hkra N- gun Jat mungga hpe htawn shalai ya lai mat wa sai.