Mungkan Ka-ni Namhpam Ninghkap Masat Nhtoi

Myitrum manang ni, daini gaw, “Mungkan Ka-ni Nanghpam Ninghkap Masat Nhtoi” Ga shagawp  shagun dat ai yaw. Daini Tai ni gaw, Mungkan ting Kachin hpe gasat ai jahkring nu ngu, kade marawn lawm tim, Kachin hpe Kahtet majan hte Katsi-majan rau matep gasat nga ai shakre  la na sha rai sai, Kadai hpa mi nga yang nga ngu ai ladat hte shanang  taw nga sai.Mungkan de masu na matu, majan lapran hkan  majan kade htat tim, asuya gaw myit  galu hte ya sha sha KIO hte hkrum  zup nna, Simsa lu na lam shakut nga ga ai, myit ja dik ai Kachin hpe hkyaw yak bu nga ga ai ngu, hkrang shala dan nga ma ai. JIC Ka-ni Nanghpam Ninghkap Masat Nhtoi Goi! Mungkan ntsa shinggyim masha, Nga mi nga hte pra mi pra; Shanchyang shanhpraw htoi n l'ta, Yawng a hpyen Ka-ni re da. Nanghpam lusha ndai dap, Mungkan ntsa jawm ninghkap. Oh! Daini Mungkan ting myit hkrum, Ninghkap masat nhtoi rum; Bandung bung asuya sh'gu, Ka-ni nanghpam g'sat garu; June shata 26 hta, Masat nhtoi galaw sa. Goi-yi-i! Daini anhte Wunpawngsha, Sharai ra sai laimasa; Amyusha yawng a ahpyen, Shaoichyum shoirang she dinghkren; Makam masham a hpyen rai, Wenyi lam mung hkrat sum sai. Oh! Ramma ni a hpyen kaba, Makru kaba daw di hkra; Hkamja lam yawng ginlut kau, AIDS ana hpyau, Ngwi pyaw dinghku n de lu, Matsan tsin-yam panglai du. Goi-law-aw! Shi hte hkrum jang sharai yak, Kalang shut jang amyit mak; Myusha lam-yan manghkang hkang, Asuya pyi n dang mazang; Tsadan lang laknak ndai, Wunpawng sha ni kaw hkrai hkrai. Daini! Tsadanwa masing jahkrat, Kachin shamyit na ladat; Kahtet majan hte anut, Katsi majan hte mung rut; Mabyin satlawat matsing da, Ja ja koi yen ga yaw ya....... Nachying matsing hpa! (2) (1) Datn-gunhtammalijat, Wunpawng Ramma ni hpe sat; Wanglu wanglang dut shabra, Htam sanit grau she jat wa. Sut-su ai kashu kasha, Ja gumhpraw rau manai ya; Kanu Kawa m'tsan mat hkra, Rim dat shaw dat galaw ya; Kachin lu su n kam yu, Tsadan zingrut htu ai lu! (3) Matsan mayan Ma ni tup, Daw hten hkra zingri adup; Bungli n mai g'law sha hkra, Prat tup jam jau jaw kau ya. Wunpawng Ramma nanghpam-ya, N mu masu su di da; Lau lu lau si mat mu ga, Mu tim ahkyak n la sa; Tsawra amyit n madun, Hkum di hkum rai ngu n tsun; Kaga Ramma ni hpe gaw, Shadum jahprang ma ai yaw. (5) Tsang 10 sanpoi sha-awng m'su, Dakkasa du jang hkap d'ru; Wunpawng Ma ni gaja loi, Ka-ni nanghpam de hkroi hkroi. Mare Kaba Wunpawngsha, Katsi majan gasat ya; Nam Kahtawng na Wunpawng hpe, Mu shara kaw sat shakre; Amyu shamyit masing dai, Tsadan a ladat rai sai. (7) M're kaba Wunpawng Ramma, M'sha lahkam n dep mat hkra; Bawnu j’htentsi shabra ya, Dasang sang galaw shapraw, Manu hkyamsa hte dut jaw; rai nga ma ai oi. Ya.....! Wungpawng mungdan asuya kawn, Nanghpam pat j'san galaw tawn; Hpyen magam gun magrau grang, Majan gasat grai awng dang; Lagu lagut hkoi mat wa, Anhte a mare buga. Ka-ni hkai sha ginra hkan, Malai kaja li garan; Hkailu hkaisha sharin ya, Ka-ni yi ni hkoi mat hkra; Dut lu dut sha pat jasan, Masing kaba she woi gran rai; shakut nga ai rai. Ga’gawp hpungdim dat mayu, Matsing sumhting da ga lu! Nang Wunpawng Jet ai rai yang, Sai chyup ai kaw hkum lawm nang; Ka-ni nanghpam ninghkap na, Nang nan shawng de shang lawm ra; Hkai lu hkai sha dut shabra, Lu lang sha lang hpe kau da. Tai a myu sh'myit m'jan daini, Rawt m'lan kau lu hkra shakri; Nang hte Ngai nan n lawm n mai, Myu hpe makawp la ra sai; Tai masing kadawng mat hkra, Myu Tsaw Myit Rau Le I Ya.......... Goi! ya...... 􏰀 Matsing ; ; Laksan gawp ai. Shanglawt Tsing (26.6.2012,3:20 AM)