Laning myi

Ya..............; 2011 June 20 hta, Ga shagawp hpang magang sa; "Shanglawt Tsing" ngu, daidaw la, N-gun da ting ka hpang wa; Daini Laningmi ladu hkrum, Yehowa hpe Chyeju dum; SHI n lawm yang n mai ai, Ngai chyu sha hpa mi n tai; Shawng nnan SHI hpe sh'kawn na, Haleluyah! Haleluyah! Hpung Shingkang rawng nga u ga!(Amen) Dai hpang Ga 'gawp hti masha, Ni ai tsan ai Mungshawa, Hpyen- yen ni hte jawngma ni, Myutsaw Share Ninghkring ni; Hti n-gun lu ga ai......da, Yawng hpe chyeju kaba sa. Laksan chyeju dum mayu, Maigan du Wunpawngsha chyu; Internet rau m'tut mahkai, Sh'ni shagu n-gun jaw ai; Laningmi she tup mat wa, Marit maroi kam hti ya; Sharawng shara n-gun jaw, Laika-ngau shagun sumbaw; Ra rawng ai kaw sharai ya, Manu kaba rawng lu hkra; Kau mi akyu hpyi garum, Hkamja u ga amyit dum; Chyeju kaba sai shakram; Manga yunglat hte salam dat nngai oi..... Chyeju dum ga tsun ngut jang, Laningmi Shanglawt Tsing kawn jahta hpang; 􏰀 Nachying Chyeju dum let, Hkam sha lam garan gachyan, Laning mi hkying ten lapran; Shawnglam m'janpa chyu majen, Amyit shawshishap dinghkren; Ngai nan majan hta zawn ngu, Shat sha timung sha n mu; Yup n hkru ai law law lang, Share ni hpe yupmang mang; Tai ni htim ai shiga na, Salum dip let kyu hpyi ya; Tinang bom tinang hkala, Lahpawt hpawt ai malala; Numma roi rip shiga ni, Salum 'chyi pyi n tingtsi; Ngai La wangan rai taw gaw, Ndai zawn sha n nga taw; Hpawni hpawmang n tai n mai, Ga 'gawp hte sha myit shawai; Myit-su salang langai mi, Tsing hpai ai amyawk ni; 120MM, 240MM.....da, N-gun nachying jaw shaja; Shanglawt Tsing n-gun grai lu, Dap Awn Daju zawn she ngu; N-gun da ting let raitim, Ga 'gawp gawp na myit n zim, Matut let bai shakut na, Hti n l'gawn ga lu yaw ya....... Shanglawt Tsing (20.6.2012,1:00AM)