Mung masa sumtsaw VIII

          Myitrum manang ni, "Mungmasa Sumtsaw viii (matut-3)" shagun dat ai yaw.Anhte  a ntsa M ni kade myit ja taw nga tim,KK gaw maga mi hku anhte hpe bai shalawt la na re ngu  kam ai.Laning  mi ladu hkrum ai hte anhte shada grau sin dun mat saga ai. Htingbu Miwa mung, Yinjang na Wpsha ni pyi Ginjaw hpe ya sha sha shat lit hte n-gun sa jaw chye ma ai.12.6.2012 shana de mung,garum ningtum lam galaw let,shat lit gun jaw ma ai lam chye lu ai. Dai kaw Hpawmi langai ni gaw, Shi hkrai n-gu buri 100 sa garum ai lam chye lu ai. KK gaw kahkyin gumdin ai hpe ra sharawng nga ai. Awng Padang lu na hpe myit mada kam sham nga ga law. JIC read more++++ Tsaw e; ; Asuya gaw, Bumnga m'sha, Ahkaw ahkang ni hpe wa; Mungm'sa l'dat hte hparan na, Kachyi pyi m'sing n nga ya; Laknak lang wuhpung ni hpe, Gap hkat jahkring ai hpang de; 2008, Constitution a kata, Gang bang kau na masing sha; Dai gaw Bumnga hpyi shawn ai, Mungm'sa laisa nhtan shai sai; KIO hte amyusha ni, Myit mada ai Panglung mi; Npawt ndung m'dung shatai, Federal Union shabyin ai; Mungmasa hkrun lam she re ai n rai ni? Mungmasa Sumtsaw VIII(matut-3) Oh! Tsaw e; ; Nang, Mungmasa myit grai lawm, Myusha lam-yan yawng she hkyawm, Goi! Tsaw e; Tsaw, matut she tsun dan na, Ramma ni hpe htawn yaw ya......... KIO gaw ra sharawng, Myit masin asan htawnglawng; Asuya hte amyit hkrum, Ga s'di laika jawm shalum; Dai myit hkrum lam myusha ni, Yawng ra sharawng lai kasi; Mungmasa l'dat hparan na, Lai sai ten na sum machyi, Mahkrum dingsa n kam madi; Dai majaw Mungdan gadaga, Shinggyim Wuhpung Hpawng Kaba; Reng hkang ya na myit mada, ai hku rai. ; 2008 Constitution kata, KIO gaw Mungmasa, Bawngban hparan na n kam, K'chyi pyi n hkap la lu lam; Tsaw; ; Dai Constitution hpe dawm kau, Bumnga masha yawng shang lawm; Yawng ra sharawng myit hkrum ai, Npawt nhpang Upadi galai; Ningnan sing she bai jawm ka, Dai ningnan she shagrin na; ngu ai n rai hka! Myit yu na lam bai sumru, (1) KIO gaw Ceasefire n galaw yu ai kun? (2) KIO hpe htim gasat nga ai kadai kun? (3) Shawng gap jahkring ra ai gaw kadai kun? (4) Shawng gap jahkring ra ai gaw, Myen asuya maga lit n rai kun? (5) Jet ai munghpawm hpe gaw-gap na kam ai rai yang,Bumnga masha ni gaw,kaga laksan nga ra wa na hpe n mai myit ai kun? Myityunalamlawlawnga, Myen suya ndai ni wa; Nhkyau hta pyi grau magaw, Shi a myit chyu hkan shachyaw; ; Yuptung pyi she lai sai le...., Myusha lam-yan n law gahte; Nbung hprinawn nga dingsa, Tsaw hte matut mahkai na; Mungmasa lam tut htinglet, Mabyin masa hkan shakyet; Tsaw hpe chyeju dum dik ai, Yup sanu yaw tsaw— Bye Bye. Tsawe; Oh! Tsaw ; ; 􏰁Matsing: :Ga san sumtsaw jan ; ; Mungmasha Ga htai sumtsaw wa; ; Mungdan Shanglawt Tsing (14.6.2012,12:20AM)