Prat Ningnan Kachin Mung Masa Prat Hkrun Lam
Tara Kasa Nangzing La a Prat Labau (Daw Langai)
Tara Kasa Nangzing La a Prat Labau (Daw Langai)
Tara kasa Nangzing La gaw 1931 ning March 27 ya shani Manmaw mare e shangai wa sai. Jawngma ten tsang 7 kawn tsang 10 du hkra nambat 1 hkrai lu nna ningtawn ai majaw free tuition hte stipend shata mi lap 15 lu u ai.
1955ning hta Yangung Dakkasu kaw na BA janmau lu nna tara kasa hpaji janmau BL hpe 1957 hta lu nna Jinghpaw Wunpawng sha ni hta shawng nnan Tara kasa hpaji janmau (BA; BL)lu ai wa re. Dakkasu jawng ma a ten hta Yangung Dakkasu Jawngma Hpung-Yangon University Student Union (RUSU) a ningbaw tai lai wa sai. 1956 ning hta KNC (Kachin National Congress) maga hku Ra Lata Poi shang let Sama Duwa Sinwa Naw (Kunghpan Hpung) hte Shingjawng lai wa sai. Dai aten hta Asak (25) ning sha naw rai u ai.
1960 ning hta Ningbaw Kaba Maran Brang Seng hte rau Du Mare (Du Kahtawng) hpe Woi de sai. Dai hpang Htunghking Sharawt Hpung a ningbaw mung galaw lai wa sai.
1960 Auguk shata 22 ya shani Myitkyina mare Hpung shagu na shawa Mun manga (50000) ram hte Bukda nawku htung hpe mungdan a nawku htung (State Religion) shatai ai lam hpe woiawn ninghkap lai wa sai. State religion commission hpung ni jawn lung wa ai Wangleng hpe htu kanawng kau dat masai.
1962 kawn 1988 du hkra lang hte lang mung masa a majaw htawng rim rawng hkrum, zingri zingrat hkrum a, jit hkyi ntsin hte man myit, hkashin let jamjau jam hkau, nni nhkri hkrum let prat pra sa wa sai. Democracy lai hpe lu na matu simsaq ladat hku woi awn galaw ai majaw MSL hte NWT hpyen gumshem asuya ni zingri zingrat hkrum ai wa re. Jinghpaw Wunpawng sha ni kaw mung masa labau hta shang lawm let htawng kata kaw sha aprat hpe jahtum ai wa mung rai nga ai.
Dai ni prat nnan Kachin mung masa hkrun lam hta ya aten du hkra tinang hkam la ai mung masa a majaw htawng she rawng hkra re ai mung masa la/num n nga ai daram re.
Jinghpaw Wunpawng sha ni a lawt lu lam a matu mung masa machyoi ningla (statesman) paw pru wa na hpe myit mada let..,
Daw (2) matut hti la ga.
Daw (2) matut hti la ga.
By
