Map chye yu yang gaw, anhte a myu tsaw ni, share shagan ni, ningbaw ningla ni kade daram shakut shaja lai wa sai, kade daram zai ladat shaw nna woi awn nga ai, nga ai hpe mu na rai nga madai. Ya na daram aten galu garawt nna, hkrat sum ai lam yawm dik hte shakut shaja lu mat wa ai gaw, Karai a shaman chyeju san san hte chyoi pra ai Wenyi a lam madun ya ai hta, hkan sa ai majaw nan rai sai. Karai hpe chyeju dum shakawn ai hte, myu tsaw ni, share shagan ni, ningbaw ningla ni hpe chyeju dum nngai.
Anhte myu sha shada da madi shadaw ai lam mung, grai law nga saga ai. Akyu hpyi ai ni mung, shakut shaja nna, akyu hpyi nga ga ai.
Anhte a amyu ni gaw, "Consistency", "Tutnawng dingyang, myit maju jung nna galaw sa ai" lam hta sha ningra sai. Tai wa laja lana gasat jang she, anhte myit rawt ai, akyu hpyi shakut ai. Tai wa hkring sa la ai aten hta, anhte bai pyaw hkawm sai. Gabaw amyu myu hke Karai shakawn nga masat la nna, pyaw chyai ai mung law ga ai.
Shawng lam na myu tsaw ni gaw, 5 ning shata 6 tup, asak ap nawng da let, nam rawng nna, shakut masai. Ningbaw ni mung, shani shana, myu sha lam sha myit, sawn bawngban woi awn nga ma ai.
Nang gaw aten kade jaw sai kun?
Kade daram gara hku ap nawng da sai kun?
Hpa wa galaw da ngut sai majaw, Wunpawng Mungdan Shanglawt Asuya hpe jahpoi ahpyak nga ai kun?
Kade daram gara hku ap nawng da sai kun?
Hpa wa galaw da ngut sai majaw, Wunpawng Mungdan Shanglawt Asuya hpe jahpoi ahpyak nga ai kun?
