လော်ခီးလာတွေ့ဆုံမှုကို သုံးသပ်ကြည့်ခြင်း

ဇွန်လဆန်းပိုင်း ၂-၉ရက်နေ့ထိ လော်ခီးလာမှာ ကျင်းပသွားတဲ့ တိုင်းရင်းသားလက်နက်ကိုင်တပ်ဖွဲ့ဝင်တွေရဲ့ တွေ့ဆုံပွဲ ဆုံးဖြတ်ချက်တွေ ထွက်လာပြီးတဲ့နောက်မှာ မြန်မာအစိုးရဘက် အကြပ်ရိုက်လာဟန်ရှိတယ်။ မတ်လ ၃၁ရက်နေ့ NCCT နှင့် အစိုးရတို့ သဘောတူညီခဲ့တဲ့ အပစ်အခတ်ရပ်စဲရေး မူကြမ်းမှာ မပါတဲ့ “ငြိမ်းချမ်းရေးနှင့်ပတ်သက်၍ မူဝါဒ (၆)ချက်” ဆိုတဲ့အချက်တွေကို ကိုင်ပြီး ရမ်းဆဲဖြစ်တယ်။ ထုိ့အတူ မအလ ဘက်ကနေလည်း “ဒို့တာဝန်အရေး (၃)ပါး” ဆိုတဲ့ဟာကို ကိုယ်တိုင်ဖျက်ဆီးနေပေမယ့် ဆွဲကိုင်ထားနေတုန်း။
မအလဘက်ကနေ နိုင်ငံတကာကို ချပြ၊ မြင်စေလိုတာက အစိုးရဘက်ကနေ ငြိမ်းချမ်းရေးကို စိတ်ရှည်လက်ရှည် ကမ်းလှမ်းနေပါရဲ့နဲ့ တိုင်းရင်းသားလက်နက်ကိုင်တပ်တွေဘက်ကနေ မဖြစ်နိုင်တာတွေ တောင်းဆိုနေတာကြောင့် ကြန့်ကြာနေတဲ့အသွင်။ ဇွန်လ ၁၇ရက်နေ့က မအလနှင့် ဆွစ်ဇာလန်သံအမတ် ခရစ္စတိုဖာဘာဂျီနာ တို့တွေ့ဆုံတုန်း မအလ ပြောခဲ့တာက “တိုင်းရင်းသားလက်နက်ကိုင်တပ်ဖွဲ့တစ်ချို့တွေရဲ့ တောင်းဆိုချက်တွေဟာ ဒို့တာဝန်အရေး (၃)ပါးကို ထိခိုက်စေပြီး တိုင်းပြည်တည်ငြိမ်အေးချမ်းမှုကို ထိခိုက်လှုံ့ဆော်မှုတွေတွေ့နေရတယ်” လို့ စွပ်စွဲပြောဆိုခဲ့တယ်။
ဒီလိုနိုင်ငံတကာကို ကြုံရင်ကြုံသလို ရတဲ့အခွင့်ကောင်းကို အမိအရယူပြီး တိုင်းရင်းသားတွေကို ဆော်တယ်။ တစ်ဘက်မှာလည်း တိုင်းရင်းသားလက်နက်ကိုင်တပ်ဖွဲ့တွေကြောင့် နယ်မြေလုံခြုံရေးအရ တိုက်ပွဲတွေ ဖြစ်နေကြောင်း ပြည်တွင်း ပြည်ပ မှာ သတင်းလွှင့်တယ်။ ခုရက်ပိုင်း မူဆယ် ၁၀၅မိုင် ကုန်သွယ်ရေးစခန်းကို ဘယ်သူ့လက်ချက်မှန်း တိကျသေချာတဲ့ စုံစမ်းစစ်ဆေးမှုတွေမလုပ်ပဲ KIA တပ်ဖွဲ့ကို ချက်ချင်းစွပ်စွဲထားတာ သာဓက။
မြန်မာနိုင်ငံရဲ့ ဆုတ်ယုတ်နေတဲ့ တိုင်းပြည်အခြေအနေကို တိုင်းရင်းသားတပ်ဖွဲ့တွေက “တောင့်ခံ” ထားပေးတာ သူတို့ကိုယ်တိုင်အသိဆုံး။ စီးပွားရေးအရ နိုင်ငံခြားမှ ချေးငွေတွေနဲ့ လည်ပင်းနစ် အသက်ရှုနေရတဲ့ အခြေအနေ။ နိုင်ငံခြားကို ပို့ကုန်အနေနဲ့ တင်ပို့ပြီး လောက်င တဲ့ နိုင်ငံခြားငွေတွေ မရှာနိုင်။ တည်ငြိမ်သယောင်ရှိနေတဲ့ ငွေဈေးတွေ အသားကုန်တက်။ ကုန်ဈေးနှုန်းတွေတက်တော့ ပြည်သူတွေ ဆူပူအုံကြွမှုတွေ ဖြစ်လာမှာကလည်း တစ်ဘက်ကစိုးရသေး။
ဆိုတော့က အလကားရ၀င်လာမယ့် နိုင်ငံခြားအကူအညီတွေ မျှော်ရတော့မယ်။ အလကားရ၀င်လာမယ့် နိုင်ငံခြားအကူအညီတွေဝင်လာဖို့ဆိုလို့ရှိရင် တစ်နိုင်ငံလုံးအပစ်အခတ်ရပ်စဲရေးလက်မှတ်ထိုးနိုင်မှ နိုင်ငံတကာကလည်း အကူအညီပေးမှာကိုး။ ဒီတော့ တစ်ဘက်သတ် ပြင်ဆင်ထားတဲ့ အပစ်အခတ်ရပ်စဲရေးစာချုပ်မှာ တိုင်းရင်းသားလက်နက်ကိုင်တပ်ဖွဲ့ဝင်တွေကို လက်မှတ်ထိုးခိုင်း၊ ကမ္ဘာကိုပြ၊ နိုင်ငံတကာရင်းနှီးမြှပ်နှံမှုနှင့် ဖွံ့ဖြိုးရေးအကူအညီတွေကို ဖိတ်ခေါ်။
တစ်ဘက်ကလည်း တိုင်းရင်းသားလက်နက်ကိုင်တပ်ဖွဲ့ဝင်တွေနှင့် လက်မှတ်ထိုးပြီးသွားပြီဆိုတော့ တိုင်းရင်းသားဒေသတွေက ထွက်သမျှသယံဇာတတွေကို ခုထက်တိုးချဲ့ ထုတ်ယူပြီး နိုင်ငံခြားငွေများများရှာဖို့။ အကြွေးလည်ပင်း တစ်နေခြင်းကို ကယ်တင်နိုင်မယ့် နည်းက ဒီတစ်နည်းသာလျှင် အလွယ်ဆုံး။ လက်နက်ကိုင်တပ်ဖွဲ့တွေကို အမြစ်ပြတ်တိုက်လိုက်မယ်ဆိုတာကလည်းရ စီးပွားရေး ဂွင်အ ဘယ်လိုမှမဖြစ်နိုင်တဲ့ကိစ္စ။ ဘာကြောင့်လည်းဆိုတော့ အင်အား ၃၀၀ကျော်လောက်ပဲ ရှိပါတယ်လို့ (သူတို့)ပြောတဲ့ TNLA ကို တိုက်လိုက်ရင် ရတယ်၊ AA ကိုလည်း ထိုနည်းလည်းကောင်း။ မတိုက်ဘူး ငြိမ်းချမ်းရေး လက်မှတ်ခေါ်ထိုးလို့ရအောင် မွေးထားမှာ။ ငြိမ်းချမ်းရေး မရပဲ အပြုတ်တိုက်လိုက်ရင် နဂိုအကူအညီပေးမယ့်၊ ပေးလာမယ့် နိုင်ငံတကာအကူအညီတွေ ပြန်ရုတ်သိမ်းသွားမှာကြောင့် ဖြစ်တယ်။
လော်ခီးလားတွေ့ဆုံမှုရဲ့ သဘောတူညီချက်ထွက်လာပြီး အခြေအနေတင်းမာသွားခြင်းရဲ့ အဓိကအချက်က နေပြည်တော်ကို ခေါက်တုံ့ခေါက်ပြန် ဖင်ပုတ်ခေါင်းပုတ်လုပ်လိုက် ကားပါမစ်ယူလိုက်နဲ့ ဖြစ်ခဲ့တဲ့ ဗိုလ်ချုပ်ကြီးမူတူးစေးဖိုးရဲ့ ရပ်တည်ချက်ပြောင်းသွားတဲ့ အရိပ်အရောင်ကြောင့် ဖြစ်တယ်။
UNFCA အစည်းအဝေးခန်းမထဲကနေ ဗဟိုချုပ်ကိုင်မှုစနစ်ရှိနေတာကြောင့် ဆိုတဲ့အကြောင်းပြချက်နဲ့ နှုတ်ထွက်သွားခဲ့တဲ့၊ လော်ခီးလားအဖွင့်မိန်းခွန်းကို “၃၁ မတ်လက သဘောတူညီခဲ့တဲ့ အပစ်အခတ်ရပ်စဲရေး သဘောတူစာချုပ်ကို ရဲရဲတင်းတင်းလက်မှတ်ထိုးကြပါ” လို့တိုက်တွန်းခဲ့ပေမယ့် စည်းဝေးစလယ်ဆုံး တက်ခဲ့တဲ့အပြင် အစည်းအဝေးကို သဘာပတိအနေနဲ့ နောက်ဆုံးအထိ တာဝန်ခံသွားတဲ့အပြင် ဆုံးဖြတ်ချက်တွေကို တာဝန်ခံအနေနဲ့ လက်မှတ်ရေးထိုးသွားခြင်းပဲ ဖြစ်တယ်။
နောက်တစ်ချက် KNU ဘက်က အကြောင်းအမျိုးမျိုးကြောင့် ကွဲနေကြသယောင်ရှိပေမယ့် နိုင်ငံရေးကို ဓိကဆွေးနွေးဖို့ လက်ကိုင်စွဲထားတဲ့ နော်ဖိုးရာစိန်ကြောင့် အချင်းချင်းကြား ရပ်တည်ချက်တွေ ခိုင်မာသွားကြတယ်လို့ ယူဆတယ်။
လော်ခီးလားတွေ့ဆုံမှုရဲ့ သဘောတူညီချက်ထွက်လာပြီး အစိုးရမကြိုက်တဲ့ နောက်တစ်ချက်က စည်းဝေးဆုံးဖြတ်ချက်ရဲ့ အပိုဒ် (၅) “NCCT အဖွဲ့ဝင်အားလုံးပါနိုင်မှ NCA ကိုလက်မှတ်ထိုးမည်” ဆိုတဲ့အချက်။ NCCT အဖွဲ့ဝင် ၁၆ဖွဲ့ထဲမှာ အစိုးရကငြင်းပယ်ထားတဲ့ TNLA, AA, MNDAA တွေပါနေတယ်။ အရင်က ကိုးကန့်ကို ၃ရက်နဲ့ ချြေမှုန်းပြမယ်တို့ ဘာတို့ပြောခဲ့တဲ့ ဦးသိန်းစိန်ကလည်း ခုနောက်ပိုင်း ကိုးကန့်ရဲ့ အစွမ်းအစကို သိလိုက်ရသလို စာရင်းထဲတောင် ထည့်ထားဟန်မရတဲ့ TNLA နှင့် AA ကလည်း အစွမ်းတွေ ပြလာတော့ ဘေးကြပ်နံကြပ် ဖြစ်နေဟန်ရှိတာတော့ အမှန်ပဲ။
လော်ခီးလားတွေ့ဆုံမှုရဲ့ သဘောတူညီချက်ထွက်လာပြီး အစိုးရမကြိုက်တဲ့ နောက်တစ်ချက် “သဘောတူစာချုပ်လက်မှတ်ရေးထိုးရာတွင် အစိုးရဘက်က ထိပ်သီးများသာမက အပြည်ပြည်ဆိုင်ရာခေါင်းဆောင်များနှင့် နိုင်ငံ (၇)နိုင်ငံမှ အစိုးရကိုယ်စာလှယ်များ သက်သေပါဝင်လက်မှတ်ရေးထိုးရန်” ဆိုတဲ့အချက်ဖြစ်တော့ တောင်းရမ်းစားသောက်ထားမိတဲ့ နိုင်ငံတွေ လက်မှတ်ထိုးတဲ့ထဲ ပါနေရင် ဘယ်လိုနည်းနဲ့ပဲ ဖြစ်ဖြစ် စားခွက်ပျောက်မှာစိုးတော့ ဘေးကြပ်နံကြပ် တစ်ခါဖြစ်ရပြန်အုံးမှာဆိုတော့…..။
ဆိုတော့က 
အနှစ်ချုပ်အနေနဲ့ NCA ဆိုတာ အလှမ်းဝေးပါသေးတယ်။ လက်ရှိ အစိုးရမပြောင်းသေးသရွေ့၊ အစိုးရပြောင်းတယ်ထားအုံး လူမပြောင်း စနစ်မပြောင်းသေးသရွေ့ တိုင်းရင်းသားတွေ လှိမ့်ပိန့်ခံနေပေအုံးတော့ပဲ။
https://www.facebook.com/tsawra.tsaw/posts/858578134190702:0