No. 1 lang na Myitkyina mare hta terreist bawm kapaw nna masha law law si hkrum let hkala hkrum ai

Nhtoi: November 13, 2011. 7: 45 PM hta No. 1 lang nga Myitkyina mare
kaba kaw terrasist bawm kapaw nna, Jinhpaw kasha ma kaji marai 12 ram
si mat ai hte marai 20 ram laja lana hkala machyi ai majaw Myitkyina
tsi rung kaba kaw tsi tsi nga ai


Nhtoi: November 13, 2011. 7: 45 PM aten hta Myitkyina, Njang kawng kaw
nga ai Slg. Dingyau Tang Gun woi awn ai Jinghpaw Madum sumpyi hpung
Band hte tsang 10 jawng ma ni tution sharin nga ai Jinghpaw kasha ni
marai 40 ram shanu nga ai dum nta hta bawm kapaw ayai dat ai re. Dai
hta si mat wa ai ma kaji marai 12 ram du nna, ram ma langai gaw ayai
aya baw nu she malawk mat hkra si hkrum ai. Ma chyangai langai gaw
bawm nsa hte pyen mat nna AG naw ku jawng ntsa kaw na mu hta la ai.
Bawm hkala hkrum let Myitkyina tsi rung kaw rawng nga ai ma kaji gaw
marai 20 ram tsi tsi nga ma ai. Ndai ma ni laja lana nma kap machyi
hkrum ai hte hkrit kajawng let hkrap nga ma ai.

Ndai bawm kabaw ai hpe kadai wa re tup hkrak nchye lu shi ai. Raitim
ya ten hta Mung masha ni law malawng tsun jahta ai gaw, ya bawm kapaw
ai shara gaw Jinhpaw kasha ni hpaji sharin hka ja taw ai shara re .
Myen hpyendap kaw na kapaw ai lam she mai byin ai. Myen hpyen wa gaw
KIO hpe sha nrai, Kachin Mying mying ai mung masha yawng hpe du hkra
kasat shamyit mat wa ai lachyum rai nga ai.

Hkru lawm mat ai dum nta ni 1. Slg. Dingyau Tang Gun, (Jinghpaw dum
sumpyi ningbaw) 2. Slg. Hpaga Naw Ring (Sut Du) 3. Slg. Lashu Hpung
Nung a nta. 4. Slg. Mashaw wa a nta ni rai nga ai. Dum nta 3 gaw atsai
atsi bawm hte wan hkru mat nna, nta langai gaw ntsa na hpri tsut pa
hte hkuwat chyinghka na pat ni yawng malawng mat sai hku re.
Ndai gaw No.1 lang na sawng dik ai Jinghpaw mung, Myitkyina mare kaba
na Terrerist bawm kapaw ai lam rai nga ai.

Jinghpaw Wunpawng myu sha ni yawng kajawng kaja hte hkrit mat ai nre
sha, Karai Kasang kaw kyu hpyi da ting let, Ya ten hta tinang hpa baw
galaw ra sai ngu ai hpe zai ladat hte sadi maja let galaw sa wa rai
sai lachyum rai nga ai.

Shiga hte ningmu sa dat ai

MKA Jau Man masha myi chyaw mu ai wa