US,State Department hte Kachin Datkasa ni Hkrum shaga.

28/ March/2017
Lachid Kachin
USA, kaw shanu nga ai Kachin Community na datkasa ni hte US, mung dan asuya,State Department (maigan kyit hkai hkring mang dap) de sadu hkrum shaga ai lam na chye lu ai.
USA, a suya a mai gan kyit hkai hkring mang dap kawn USA, Washington DC, kaw daju ai Kachin Alliance,de USA kaw shanu nga ai Kachin Nawku hpung ni hte Kachin Community ni hte alak myi hkrum sha ga mayu ai lam matut mahkai saw sha ga wa ai lam chye lu ai.
Ya na zawn saw shaga hkrum ai hte maren Kachin Alliance, a ning baw Slg Nsang Gum San,NT ning baw Shy Lahkyen Ja Seng Mai, yan kawn woi awn let dai ni (28/3/2017) ya sha ni (11:30 am kawn 1:30 pm) aten du hkra USA, asuya a mai gan kyit hkai hkring mang dap US. Department of state Bureau of East Asia and Pacific Affairs kaw na, David R.Myers(Burma Desk Officer), Patricia Mahoney (Director office of mainland southeast asia), W. Patrick Murphy (Deputy Assistant Secretary for Southeast asia Bureau of East Asia and Pacific Affairs) ni hte sa du hkrum shaga lai wa sai lam na chye lu ai.
Ya na zawn sadu hkrum shaga ai hta Kachin Alliance ningbaw Slg Nsang Gum San, NT Ningbaw Shy Ja Seng Mai,KBC USA, a ning baw Rev Dr Jum Maw San Awng, KABA, naw ku hpung a ning tau ning baw Rev Dr Lasaw Yaw Ba, Kachin Catholic Community of America (KCCA) kaw na Shd Luksing Kyang Zung, ni kawn ya ten hkyak hkyak kanu mung dan kaw byin nga ai masa lam ni hte, IDP hte seng ai lam, kani nang hpam hte seng ai lam.Malaysia hte Thai mung dan ni hkan naw ngam nga ai Kachin refugee, ni hte seng ai lam ni hpe tang madun ngut ai hpang ka nu mung dan a simsa lam hte seng ai lam ni hpe bawng ban ja hkrup ai lam na chye lu ai.