Anhte Bawsang ni American Mungdan e kade du sai ngu gaw ndai sumla yu yang chye lu ai. Ndai gaw 2001 kaw na 2017 du hkra State Dept hku nna hta da ai "Refugee" shang jahpan re. Da sang bai shaga la ai ningrum ningtau, kashu kasha jahpan pyi nlawm ai. Nlaw htum refugee 1 gaw dum nta masha 2.5 hpe shaga la ai hpe sawn yu yang, 419,185 daram rai taw sai. Ndai gaw kahtap shangai ai nlawm ai. US Mungdan hta status la sha naw re, Australia, UK, EU, Canada, hte Japan, Korea nlawm shi ai.
Dai majaw anhte Bawsang ni su hprang ging sai. US Mungdan hta, Myen Asuya nlu galaw ai "grass roots" campaign kade madang mai galaw ai ngu gaw ndai jahpan sakse madun nga ai. 2008 - 2017 lapran American shang masha jahpan kaw na Sgaw Karen ga shaga masha #4 law htum re, 43,618. Anhte amyu sha ni mung mungkan ting chyam hkawm tim, bra ai nre sha ring chying ra sai, gahkyin gumdin ra sai.
(credit: US State Dept.)
Lani myi Bawsang ni a matu ahkyak ai Mung masa lam daw dan "Referendum" galaw ra wa aten hta, maigan du nga ethnic masha jahpan ni hpe hta yang she teng man ai dawdan ai lu la na re ngu mung mu mada ai.
By Gum san nsang
By Gum san nsang
