Tuesday, March 28, 2017

Makam masham Nu ku Hpung hpe hkrai n htai lai ga.

Moiprat kaw nna dai ni na ten du hkra
Makam masham hpung hpe hkrai htai lai nna ,Amyu rusai ,Hkaw hkam hkaw seng,Emperor mung dan kaba ni ga ayai hten za mat sai re.

Roma Emperor Kawn dai ni Iran ,Iraq,syria Mung kan mung dan shagu majan hkrai chyat rai nga ai.

Nkau myi gaw amyat lu nna n kau myi gaw mat mat ,sum mat nga ai.

Laiwa sai ten 
Japan mung dan,Indonisia,Malaysia Mungdan ni law malawng gaw Hkristan sasa hte up re ai mung dan ni re,Ya gaw Wa shan nsha ai ni she up mat sai,

Miwa wa mung dan hte Russia Mung dan mung, Makam masham nau htai lai ai ,mang hkan a n hkan e,Hpang jahtum Communit Mungdan de Gale mat ai kaw du sai.

Ya an hte kaw mung Hkristan makam shada sha naw htai lai nga yang( Mao )
sut kata Myit jasat ( suthpawm pati ) ni she madu mat wa na ra ai,
shing nrai,wa shan nmai sha mat na ra ai,shing nrai,baw krin ni she law jat wa na ra ai.

shada hkum htai lai saga law.

Mut Tsawm 
2 hrsArlington, TX


Ngai Dinghkrai A Ningmu
Ya ten Wunpawng Facebook mungkan hta Slg Lum Zawng kawn KBC Sara kaba ni a lakjat hpe madi madun, tsun dinglun ai lam hte seng nna ram ram wa garu nga ai lam hpe mu lu nga ai. Ram ram garu ai ngu ai hta grau nna shada jahpoi ahpyak, mara shagun, n ru n ra byin nga ai ngu yang grau jaw na re.
Ngai hku na gaw Slg Lum Zawng hpe mung mara nmu ai, dai zawn sha KBC Sara ni hpe mung mara nmu ai. Hpung magam gun ni mung Karai a magam gun rai sai majaw san seng san pra mat sai, lam shagu hta hpa tsun shara n nga kup tsup mat sai ngu n mai myit la nga ai. Hpung magam gun ni mung shinggyim Masha sha re majaw shut shai chye ai, dai hte maren shinggyim masha shagu gaw shut chye ai amyu ni hkrai rai nga ga ai.
Dai zawn shut ai lam ni hpe shada tsun shadum ai, hpaji jaw hkat ai lam ni hpe hkap la hkan sa shading sharai mat wa ai a majaw she shinggyim u hpung u hpawng gaw grau nna rawt jat galu kaba lam maga de rai wa ai. Dai zawn shada hpaji jaw hkat ai lam hpe gaw hpaji hparat hkum tsup ai, myit marai kung kyang ai ni sha chye hkap la nga ai. Myit masa grit nem ai, hpaji machye machyang n nga ai ni gaw hpaji jaw shading sharai ai lam hpe hkap la hkan sa, shading sharai na malai nhtang hku mara sha gun, tsun jahpyak, mara tam ai lam ni hpe galaw chye ma ai.
KBC Sara ni mung, masa hta hkan nna hpung masha ni chye na hkawn hkrang hkra tsun shadum ai lam rai na re ngu hpe kam ai. Slg. Lum Zawn hku nna mung, mung masa la wa re majaw mung masa lam hku nhtap htuk dum ai hpe mu ai majaw mara sha gun ai hku nre sha, madi madun ai lam rai na re ngu kam ai.
Dai zawn re lam hpe kaja wa na tsun shaga ai ni nan pyi hpa ntsun, zim rai nga ai hpe anhte a nga la ga ni wa she nang shoi nang sha nga tsun jahta hkat, shada jahpyak hkat taw yang gaw anhte she myit masa gyit nem ai ni tai wa na ga ai.
Dai zawn anhte shada lachyum npru shada tsun jahpyak, n ru n ra byin taw yang gaw anhte Myu Sha ni a yaw shada ai pan dung gaw grau grau she tsan wa maga de rai na re. Bai, anhte Myu Sha ni shada dai zawn n ru n ra byin na hpe ra sharawng nga ai Myu Sha ni a HPYEN wa gaw mani sum sai rai myit dik myit pyaw let yu mada nga na re hpe dum ga ngu let,