Shing du de

Myitrum manang ni, “Shingdu De” ngu ai Ga shagawp re yaw. Maning me ndai ga shagawp gawp ra sai re. N manu dum ai majaw rai sai. MKA lam, Gangdauyang maga de na shiga langai,Myen hpyenla marai 30, hpunshamyensi (Danyin thii) hte nga bu (ငါးဗူး) sha shut, food poison byin nna si jawng ma ai lam na chye lu ai. Kabu ra na kun? Yawn lawm ra na kun ? i. Pangwa de agying gasat hkat  nga ai lam mung na lu ai. JIC Hpagala hte jawm hpawm da; Amyen hpyenla mung n loi, Akawk hkan hta sha di hkroi; Miwa hkran du pyi n dum, L’muga sumla mung n jum; Miwa j’rit sin ahpyen hkrum, Sh’loi she kajawng na myit dum; rai ma ai da oi...... Shingrai; ; Shanglawt ni hte Amyen ni, Nam maling e majoi mi; Gap hkat na mung ten n lu, Kamu mati hpra sha mu; Majanpa a shingdu e, Kau mi dai zawn re da le......... Majan kade kaba tim, Kau mi wutdek sh’chyaw n sim; Kau mi teng sha gasat si, Kau mi gam k’ja pawk sha si; Si ai ni mung teng sha si, Prawn ai ni mung Prawn sha si; Gam maka hte seng ai kun? Shaman Chyeju wa rai kun? Majanpa a shingdu de, Shingdu De Majanpa a shingdu de, Gayin mada dat yang she; Hpa byin nga ai mu lu na, M’jan hpang ai shata manga; Ten galu n kam garawt, Kran da hpun ni nampum lawt; Hpaga la ni ladat shaw, Lam n hku tim gumhpraw jaw; Lit ang ai ni gam nbaw, Abom! Hkai dat shaw dat woi galaw; Gumhpraw shabawn ahpum la, Gamung naura zawn rai she............ Shanglawt Tsing (13.7.2012,5:00AM)