Shadum jahkrat

          Myitrum manang ni,Ka-ni nanghpam tsi mawan shabra sha nga ai Zahkung Ting Ying hpe myit n dawt nna, “Shadum Jahprang” ngu Ga shagawp gawp dat ai re.WP Ramma ni Katsi majan hta n dau si ma mu ga hte majanpa de Awng Padang  lu ai hte maren, Mungmasa lam mung daw dan n shut u ga hpyi dum ga yaw. Jic read more Shadum Jahprang Hkawp hkungga la ra, Slg. Kaba Ting Ying wa; Nang wa le....myit grai ja, I hpunau Wunpawng shada; Ka-ni nanghpam ai lu sha, Wunpawngmung ting chyam shabra; Tai wa maga n-gun jaw, Tinang sai hpe chyup shapraw; Nang zawn tinggyeng amyit rawng, Tai wa Katsi majan awng; Tai wa nang hpe shagrau da, Nang mung kabu g’ra hkap la; Tai m’ni mayu nga a dawng! Sinda pyi she dup malawng; Nang wa - loi pyi n chye myit, Mana a chying dum hta n grit; Tinang amyu si ai wa, Na a matu kabu hpa; Myit malai mung n chye lu, Hkye hkrang la lam sum na lu! Tai a lakung lakap tai, Wunpawng sai n jet ndai; Sai jet yang dai hku n rai, Amyu si ru na n mai; Chye myit chye mang na chyalu, Sai ga shaga amyit su; Pu gang sin machyi na she rai, Katsi majan n lawm chyai; Oh! Ya Nang dai hku n rai taw, Na a matu myit n pyaw; Ngaraidikap kap sana, Shadum jahprang ai yaw ya.......... Shanglawt Tsing (11.7.2012 , 6:00 AM)