Myit yu ai

  Myitrum manang ni, “Myit Yu Ai” Ga shagawp shagun dat ai yaw. Gumsan Magam wa gaw nyan hpan mi bai daw bang wa sai.Shi a Hpaji jaw ninghkring wa hpe MKA de dat nna,Mungmasa Hpaji hte Kachin hpe mawng kau shangun na hkyen nga sai.Ya yang Kachin shagu Myusha lam-yan grai myit hkrum myit ra nna,myit rawt ai lam tsaw dik madang kaw du nga sai hpe chye ai majaw,Mungmasa Hpaji wunkat jaw masu nna,Kachin hpe bai mau ung ang kau shangun kaprang shangun kau na hkyen nga ai yaw. Myit Yu Ga ! Majan shiga gaw, Manmaw lam Dawhpum-yang lahta kaw na Bumsawn Bum hpe bai htim noi bu nga ai da. Maning na Ntapbum hpe htim ai zawn bai rai maw nga ai da. Kyu hpyi Atsam Ningja bai shapraw ra sai. Shakut ga.Ya hte gaw JIC mung Nawku Jawng bai lu sa sai. Chyeju dum let, JIC read more   Myit Yu Ai Shata praw jahku, Nhtoi du shagu; Share Shagan tai, Chang Ying hpe hkrai; Latgyi Chang Ying, Jan sai laning; Ndai lapran, Majan nhpan; Hkying jan she hkat, Agying gasat; Tai ni htim shagu, I anut lu; I si kalang, Tai si tsa mang, Nang zawn Share, Law la sai le; Tai ni nyan daw, Amyit magaw; Mungm’sa lam n rai, N mai bawng sai. I she myit yu, Majan shagu; Sum chye dang chye, M’janpa sha re; Majan mahtai, Mungmasa grau ai; Mungmasa myit shut, Prat tup ginlut; Tai wa mawlanyet, Mungmasa shakyet; Tsun dan mayu, Chang Ying hpe chyu; Kachin hpe lang bai, Manai makai rai hkyen masai oi. Ya! Awng Min wa, Thein Sein kasa; Kachin sawbai, Hpaji daw ai; Dr. Kyaw Yin Hlai, Hpaji gindai; Mungmasa Munu, Hpaji kanu; Mungmasa ninghkring, Hpaji jahting; Junly 10 hta, Myitkyina e da; Mungm’sa wunkat, Hpaji jahpat; Shangwi shapyaw, Mungmasa Ga baw; Mungshawa masha, Na sharawng hkra; Peace Creation Group, Buhkra Chyang lawnghpraw sha sup; Gawdin group zawn, Uniform lang tawn; PCG da, Thein Sein grai ra; Lapran salang, Hkan bawp hkan nang; Madu tai kun? Woi gumbawm kun? Myit yu nji, Amyi she hkri; Mungshawa na prau, Masin shalau; Myit yu ung ang, Shawshishap nang; Ramma Awmdawm, Masha K’ba Shalom; Daw dan shut na, Grai she tsang ra; Latgyi wa e, Chang Ying Brang e; Tai a bawnu, Kaba masu; Moi mung shut sai, Ya shut n mai; Myit yu ai le, Myit tsang ai e.......... Shanglawt Tsing (9.7.2012, 12:40 AM)