Hpyen Yen Mung Shawa Sumhka Ji Tawng Hpe Myen Hpyen Dap, Hpyen La Ni Roi N’na Sat Kau.
- Written by KNET
2011 December (6) ya shana (17:30)aten Myen Hpyen Dap Hk.L.Y (14), Hk.M.Y (418) ni gaw KIA Masat (3) Dap Ba ginra, Hkyin Buk (Hka Pra) mare ni a Hpyen Yen Dabang, Lung Bra Pawt de du shang wa nna hpyen yen mung shawa a ginsum nga ai de sinat gap bun, hpyen yen ni a ginsum ni hpe mung hkan nat kau ya ai lam chyelu ai.
Ndai Hpyen Yen Dabang de shang wa ai Myen Hpyen Dap Hpyen hpung ni gaw Lahpai Zau Li Naw a madu jan Sumhka Ji Tawng shata (2) ma chyangai shaup rawng nga ai ma Kanu hpe roi rip n’nan’hkyi hte galun sat kau da ai. Myen Hpyen Dap Hpyen hpung ni wa mat ai hpang Lahpai Zau Li Naw a kahpu ma chyangai hpe bai sa woi la lu sai lam chyelu ai.
Dai Myen Hpyen Dap hpyen hpung ni hpyen yen shara de sinat gap bun ai kaw Sumhka Kaw hte Labya Lu yan mung hkala ai lam chyelu ai, Sumhka Kaw hpe dai hpyen hpung ni woi mat wa ai. Ya aten du hkra hpa shiga n na mat ai majaw makyin jing hku ni grai tsang taw nga ma ai. Labya Lu gaw hkala ai rai tim Nga Nawng Pa de hprawng lawt wa ai lam chye lu ai.
