- Written by KNET
2011 ning December (20) ya shani hkying (1:00)pm aten, Laiza Muklum, Catholic (RCM) Jau Ginwang hte Laiza Buga Hkalup Hpung, kawn woi awn let, Laiza Muk Lum na hpung masha (70) ram hte KIA Dap Dung (23) ginra Ntap Bum ( N-Tat Bum) kaw Wunli Sharawt Akyu Hpyi Hpawng galaw ai lam chye lu ai.
Wunli sharawt akyu hpyi hpawng hta, N-tap Bum majan kaw asak hkrat sum mat wa sai myitrum manang ni hte ngam nga ai dum nta masha ni a matu Karai Kasang kaw akyu hpyi ya ai, Share shagan ni yawng hkam kaja wunli lu na matu, sung lang nga ai laknak ni yawng Karai Kasang atsam rawng nga lu na matu, Majan kaji kaba yawng hta Padang dip la lu wa na matu, KIO Ningbaw Kaba hte Ginjaw Salang ni, Padang Hkrun Lam Majan Masing woiawn salang ni, Karai n-htoi lu la n-na Shanglawt lam de amyu masha ni hpe woi awn lu na matu hpungwoi Sara ni kawn kyuhpyi ya ai lam hpe chye lu ai.
Ndai wunli sharawt akyu hpyi hpawng hta, Shanglawm ginra na magam gun kaji kaba ni hpe Hkristmas masat masa hkyuhpyi ya let Nawku hpung ni kawn shawng lam magam gun marai (270) jan hpe Hkristmas card gam garan jaw ya ai lam chye lu ai.
