Mungkan hta mying gumhkawng lai wa sai laika ka sara ni, mung masa la ni, sut masa la ni, myit sawn hpaji ninghkring ni tsun ai Ga hte dai ni na anhte W.P sha ni hkrum sha nga ai lam hpe myit hkawn ai daram shingdaw let tang madun mayu ai.
Daw (I)
A word to the wise is Sufficient. (Hpaji rawng ai wa gaw ga hkaw mi hte chye na ai) –Rabindranath Tagore (Laika ka sara).Myen gaw hpaji nchye ai wa ngu lu tsun nga ai. Ga hkaw mi sha n ga sai, Ga pyi n kam shaga mat hkra tsun tim n lu ai majaw Lanak lang ai Padang hkrung lam majan shang ra sai ga re.
An honourable death is better than an ignominous life. (Gaya hkrum let sak hkrung nga na hta sari sadang hte si ai gaw grau kaja nga ai) –Cornelius Tacitus (Labau sara).Tinang a amyu maga n lawm ai sha Satan Myen Asuya n pu e gaya hkrum let mayam galaw nga Hpu nau ni hpe ading tawk tsun mayu ai re. Tinang a asak hpe myu hte mungdan a matu ap nawng ya nga ai, ap nawng lai wa sai share shagan ni yawng hpe mun hkungga nngai. N dai lam hpe dai ni anhte ramma ni atsawm myit yu ga.
Censure is the tax a man pays to the public for being eminent. (Shatan jahpyet hkrum ai gaw masha langai a mying gumgawng ai lam a matu jaw ra ai kang re.) –Jonathan Swift (Laika ka Sara). Ya ndai Aten ni hta Anhte KIO/KIA hpe mungkan kaw na n kau mi shatan jahpyet asawng nga ma ai. Hpa hkum tsang yaw Ningbaw kaba ni hte myu tsaw share shagan ni e Lani mi awng padang ngu ai anhte lata na n lawt na re.
Words are weapons. (Ga gaw Laknak re) –Joseph Stalin(Communistism).Ya ndai aten anhte shawng lam majan pa de hkum nan n du lu ai ni gaw tinang nga ai shara hta na byin mai ai daram Ga ngu ai laknak hte Satan Myen asuya hpe Sat ga.
We have entered upon the age of world wars. It will outlast the present and probably the next. (Anhte gaw mungkan majan a lapran asak hkrung nga ra ai. Dai majan gaw ya byin nga ai zawn matut na mung byin nga na re) –Oswald Spengler(German Myit Sawn Ninghkring). Dai ni anhte Wunpawng sha ni mung Kaga lata la n mai sai, Padang hkrunglam majan hte myi man hkrum nga sa ga ai. Dai re majaw kadai mung Myi man n koi kau ai sha n dai majan hta myit lawm hkum lawm jawm Gasat sa wa yang she teng man ai awng padang hte ninglaw lu na re.
Karai Kasang gaw W.P mungdan shanglawt lu hkra lam magup hku shakut shaja nga ai hpu nau ni yawng hpe tut nawng e Shaman bausin ya nga u ga law…………..
Saulang Ting Ying, DEC 12,2011(Mon)
