chye ju kaba

Chyeju baw ni hkum sumhpa,
Jaw ya n jin Karai wa;
Wa hpe chyeju dum ai lam,
Ndau shabra sakse hkam;
Majan kaba shata kru,
Wunpawngsha ni grai myit pu;
Shatan nhkan gaja hkrum,
Sumru shagu amyit htum;
Tai ni laba hte dat jaw,
Anhte num ma grai shayaw;
Mungkan lam hku she myit yu,
Dang na lam }chyi pa n mu;
Tai ni wan mangashi jan,
Myen myusha laba jahpan;
Wunpawng sha ni n law la,
Tai ni yu tawt kaji ma;
Majan nnan hkat ai kawn,
}Mukasa ni garum tawn;
Tai ni mau ai sha n-ga,
Mungkan ting she mau mahka.
SHI a shayisha hpe mung,
Hpan mi hku jai lang asung;
Myusha lam yan lapran hta,
Nden marai jaw shaja;
Machye machyang ru bun ya,
Hpaji Ningpawt Karai wa;
Shani shagu n hprai ai,
Ga gawp “Bap25” hpring sai;
Chyeju n shakawn n nga lu,
Sindai  salum masin su;
Hti n-gun la ai shawa,
Kaman lila n rai nga;
Anhte Wunpawng labau rai,
Myusha lam yan matsing mai;
“Yawng hpe chyeju kaba sai.”    
     Shanglawt Tsing
Matsing:​: Bap = volume                                     ( 10.12.2011,9:00AM  )