Majan shiga ni

Awng padang dip la lu ai lam mung na lu
Loije mare hte Zinlum lapran na mare Janmai post gasat poi hta tinang myu tsaw ni hkala nba byin ai lam loi li nga ai lam shiga na lu ai.Matut nna myen ni dung sin ai a post langai mung mana de maga lu zing kau sai lam shiga na lu ai.

DUNG 17 GINRA JAMA BUM HTA GAP

October (12) bat Masum
Wunpawng Mungdan Shangawt Asuya, Sam Mung daju Dap Ba (4) n pu, Dung (17) na myu tsaw share shagan ni hte myen tai hpyen n gun (200) ram gaw Jama Bum kaw October (9) ya kaw na hpang jahpawt du hkra gap gasat lai wa sai lam shiga na chye lu ai. N dai majan hta myen ni gaw KIA hkring bu hpun nna gasat lai wa sai lam hpe mung matut chye lu ai.

Myen Asuya Hpyenla ni shada gap hkat
9 October 2011 (Mashang) ya shani, KIA, masat (4) dapba npu, masat (38) dapdung ginra, Manjak hte Banglung bum grup-yin hta KIA masat (38) dapdung hpyen hpung ni hte Myen asuya hpyendap MOC – 16 npu na Sinli muklum hkridun LIB (240), Kutkai muklum hkridun LIB (241), MOC – 1 npu na Chaukmye muklum hkridun LIR (502) hpyenhpung ni shani hkying 12:30pm ten kaw nna 1:30pm daram du hkra gap hkat ai lam chye lu ai.
Read more+++click on++++
---------------------------------------
MAN JE KAW MYEN 4 HKRAT
October (11) bat lahkawng,
Wunpawng Mungdan Shanglawt Asuya a Dung (27) ginra rai nga ai Man Je mare kakau kaw dai ni myen tei hpyen hka-la-ya (47) ni hte Dung (27) na myu tsaw share shagan ni gap gasat lai wa sai lam shiga na chye lu ai. N dai gap gasat ai lam hta myen de na marai (4) si hkrum wa sai lam hpe mung matut na chye lu ai.
---------------------------------------
MYEN 40 RAM HKALA
October (10) bat langai,
Wunpawng Mungdan Shanglawt Asuya a myu tsaw share shagan ni hte myen tai hpyen ni mani nam lim pa kaw gap gasat ai hta myen de na marai (40) ram hkala sai lam shiga na chye lu ai. Majan kaw hkala ai hpyen la ni a madu jan ni gaw tsi rung tup sa hkrap garu nga ai lam shiga hpe mung matut chye lu ai.
------------------------------------------
By: JPKS