2 ya laman na Majan shiga

DAP DUNG (6) DAP UP N NAN SHATSAM

October (16) Laban
Wunpawng Mungdan Shanglawt Asuya, Hpakant daju Dap Dung (6) a Dap Up magam lit kaw Lat Du Up Jum Zau Doi hpe KIA/KIO Ginjaw kawn matsun shara jahkrat dat sai lam shiga na chye lu ai.
--------------------------------
SHARE SHAGAN (3) HKRAT

October (16) Laban
Wunpawng Mungdan Shanglawt Asuya a masat yan (4) Du Jawng yu rai nga ai Lat Du Seng Du Awng hte share shagan (2) gaw October (14) ya shani bawm kapaw ai kaw hkrat sum wa sai lam shiga na chye lu ai. Hkrat sum wa sai Share Shagan ni a matu myit dum akyu hpyi garum ya nga ga.

--------------------------------
AWNG JA MARE KAW MYEN (200) JAN HKRAT

October (16) Laban
Wunpawng Mungdan Shanglawt Asuya up hkang ginra, Awng Ja mare hta mani October (15) ya shani Dung (18) na KIA myu tsaw hpyen hpung ni hte myen tai hpyen ni gadat ai hta myen de na (200) jan hkrat wa sai lam shiga na chye lu ai.
--------------------------------
BAN DAWNG KAW MYEN (89) HKRAT

October (16) Laban
Wunpawng Mungdan Shanglawt Asuya a KIA myu tsaw hpyen hpung ni hte Mung Shawa Hpyen Hpung (MHH) ni dai ni myen tai hpyen ni hte Ban Dawng kaw gap gasat ai hta myen hpyen la (89) hkrat sai lam shiga na chye lu ai.
--------------------------------
MYEN N GUN JAT

October (16) Laban
Wunpawng Mungdan Shanglawt Asuya a Ginjaw Laiza hpe zing la na masing hte myen tai hpyen ni gaw dai ni Myitkyina de na Dabak Hka hku rap let hpyen n gun grai jat bang wa sai lam shiga na chye lu ai. Ya ten Nam Sam Yang Mare kaw mung laja lana gap hkat nga ding yang re hpe na chye lu ai.

--------------------------------
NAM SAN YANG KAW LAJA LANA GAP NGA

October (16) Laban
Wunpawng Mungdan Shanglawt Asuya a KIA myu tsaw share shagan ni hte myen tai hpyen ni gaw dai hpawt daw Nam San Yang, N Bu Kawng kaw na gap hkat hpang wa ai, ya ten Nam San Yang mare kaw laja lana gap gasat taw nga sai lam shiga na chye lu ai. Myen tai hpyen ni gaw dai hpawt daw hta marang htu nna shan hte a hpyen hkring ni yawng madi nya mat ai majaw Nam San Yang mare kata de shang nna Mare masha ni a bu hpun palawng ni hpung la nna, Mare masha zawn shang gasat nga ma lai lam, madu KIA de na gaw ya ten du hkra hkala ai lam n nga ai rai tim myen de na gaw hkrat sum ai, hkala ai ram ram law wa nga sai lam shiga na chye lu ai. Bai ya ten myen ni gaw Nam San Yang Mare kata mare masha ni a dum n ta ni hte nawku jawng ni hkan shang shara la nna KIA myu tsaw hpung ni hpe ning hkap gasat nga ai lam shiga na chye lu ai.
-----------------------------------
MYEN NI MARE MASHA NI HPE ZINGRI

October (16) Laban
Wunpawng Mungdan Shanglawt Asuya a Up hkang ginra rai nga ai Awng Ja mare makau, Lai Lum Lisu kahtawng na mare Salang wa hpe dai ni myen ni gyit majaw rim la nna a dup zingri nga ai lam shiga na chye lu ai.
Dai hte maren sha dai ni hta sha Nam San Yang mare na mare masha langai hpe mung myen tai hpyen ni rim a dup zingri ai lam shiga matut na chye lu ai.
--------------------------------------
MYEN DAP LANGAI HPE BAI LU ZING MADU LA

October (15) bat Kru
Wunpawng Mundan Sanglawt Asuya Dap Ba (3) n bu Dung (1) na KIA myu tsaw share shagan ni kawn Loi Je mare hte N Ba Pa mare lapran gaw dap jung tawn ai myen tai hpyen hka-ma-ya (321) a shawng lam dap ginra rai nga ai Maw Swe dap hpe dai ni bai lu htim zing madu la sai lam shiga na chye lu ai.

------------------------------------------
DAP BA (4) KAW MYU TSAW HPYEN HPUNG NI BAI SHARA LA

October (15) bat Kru
Wunpawng Mungdan ShanglawtAsuya Sam Mung daju Dap Ba (4) shara hpe myen ni n gun law law hte htu lung wa ai majaw gan yen da ai kaw na ya ten Dap Ba (4) shara hta KIA myu tsaw hpyen hpung ni bai shara shang la taw nga nga sai lam shiga na chye lu ai. Kata lam shiga hpe naw sagawn nga ai.
---------------------------------------
DUNG (2) NI MYEN (30) JAN GAP KAU

October (15) bat Kru
Wunpawng Mungdan Shanglawt Asuya, Sam Mung daju Dap Ba (4) n pu Dung (2) ginra rai nga ai Balawng mare de mani October (14) ya shani KIA Dung (2) na myu tsaw share shagan ni hte myen tai hpyen ni gap gasat ai hta myen hpyen la (30) ja hpe lu gap kau sai lam shiga na chye lu ai.
Loi Lem maga de mung mani daw hta laja lana gap hkat ai lam byin pru wa sai lam shiga na chye lu ai.
---------------------------------------
MYEN (5) HKRAT

October (15) bat Kru
Wunpawng Mungdan Shanglawt Asuya, Dung (3) na myu tsaw share shanga ni hte Mung Shawa Hpyen Hpung (MHH) ni gaw dai ni Shwe Nyaung Pyin mayan kaw myen tai hpyen ni hta gap gasat ai hta myen hpyen la (5) hpe lu gap kau sai lam shiga na chye lu ai.

----------------------------------------
NAM SAN YANG MARE DE LAK NAK KABA GAP BUN

October (15) bat Kru
Daini daw hta myen tai hpyen ni gaw Nam San Yang Mare kata de lak nak kaba hte masum lang gap bang dat ai lam shiga na chye lu ai. Grai rai gap hkat ai lam gaw n nga shi tim kaji gajaw gap taw ai lam ni gaw nga ai lam shiga na chye lu ai.
--------------------------------------

MYEN HPYEN NI NAM SAN HKA RAP DI SAI

October (15) bat Kru
Wunpawng Mungdan Asuya a Ginjaw Ginra rai nga ai Laiza mare hpe htim zing la na masing hte myen tai hpyen ni gaw n gun kaba hte ya ten Nam San hka hpe rap di lai wa sai lam shiga na chye lu ai. KIA/KIO kawn mung shawng lam de hpyen n gun jat dat sai lam gade nna yang Nam San hka mayan de majan kaba byin wan chye ai lam shiga na chye lu ai.

-------------------------------------

HPARAW MARE KAW GASAT

October (15) bat Kru
Wunpawng Mungdan Shanglawt Asuya a Dap Dung (11) na KIA myu tsaw share shagan ni, myen tai hpyen ni hte mani October (14) ya shani Hparaw mare kaw gap gasat ai lam shiga na chye lu aia. N dai Hparaw mare kaw gap gasat ai hta myen hpyen la (10) hkrat sum wa sai lam shiga matut na chye lu ai.

--------------------------------------
KYAUK SAHKAN KAW MYEN NI N GUN MAHKAWNG

October (15) bat Kru
Wunpawng Mungdan Shanglawt Asuya kawn myen tai hpyen ni a Jan Mai dap hpe zing kau ya ai majaw myen ni grai ga un nna bai htim gasat la na matu ya ten myen hpyen ni N Mawk Loi Je sa lam, bum pawt na Kyauk Sahkan (ေက်ာက္စခန္း) mare kaw hpyen n gun grai law hkra mahkawng tawn da sai lam shiga na chye lu ai. Matut Hti Na...