KIO a Ndau shana dat ai laika ( Yawng Bai hkrum ga )+++read more+++
Lahta na Gin lam hte seng nna An hte myu ru sai bung ai Wunpawng hpu nau ni yawng a matu grai ahkyak re ngu mu mada ai.Lawan dik hku nna yawng bai hkrum wa ga,Bai hkrum wa lu na matu mung ya jang yawng a Kyu jawm hpyi ga law.
Karai kasang mau hpa shaman chye ju an hte Jinghpaw wunpawng an nau ni a ntsa ru bun shaman chye ju jaw na kam shut shara nnga ai.Myen hpyen gumshem asu ya hpe kam ai lam gaw ndai prat sha n ga htawm hpang shumashi shu masha prat ding sa, ding nye ,dagam dala,yu bak, yu byen hte rau ngarai di de n htang chyaw kadawng bang na lam sha re.
Dai ni myen hpyen asu ya gaw an hte hpe gara hku zing ri, sat, amyu shamyit bang wa sai yaya nang nan myi chyaw mu,hkum hkrang nan hkrum kadup taw sai yawng hkam sha taw nga sai re.
Ya dai myen hpyen wa gaw shan hte myen shada mung masa nbung hkat nna gasat shing jawng nga ai lam pyi jahkring nna ,nbung ai ning mu hpe tawn kau,bung ai lam hpe rau galaw ga nga nna jahkrup kau sai,An hte Amyu baw sang ni hpe shan hte myen ni yawng pawng mat nna Htim gasat shamyit hpang taw nga sai re.
Daini an nau ni hpe sat nat taw nga ai hpe nang myit su hpu shawng hpu ba wa, makau kaw tsap yu azi nga na i?Sutgan hpe nja marin nna myen wa maw mawn ai lam hta tsap nna tinang sai daw sai chyen hpe sat zing ri ai kaw tsap na i?
Masa lam amyu myu hku nna myen a hkalem gale ai kaw wa tsap hkrup ai rai tim ya hpang nhkrat ai.Lawan bai pawng shabawn myit hkrum nna tai hpyen Tsadan wa hpe Karai kasang kaw n gun la let gasat kau ga law.
Mungkan ,mungdan shagu hta nga ai Mit su ni,U hpung u hpawng shagu ni,Karai kasang a masha sagu rem ni yawng ndai hte seng nna nsen law law lawan shapraw ga.
Kachin news na shiga hte lakap nna chye lu ai lam:
Ya ten, Naypyitaw Myen ginjaw asuya de sadi dung ai J.W laknak hpai hpung yawng 7 nga ai hta, 3 gaw Jinghpaw mungdaw hta rai nna, ngam ai gaw Lahta Sam mung kaw re.
Jinghpaw mungdaw hta, Hkawnglanghpu-daju Lauban Ah Dang woi awn ai Rawang Pyi-tu-sit RRF (Tawng-chyan-tu san-chyin-ye ahpoi), Lawayang N’gawn Hpyen Hpung (shawng de Lasang Awng Wa Simsa Lam Hpung) hte Pangwa-daju Jarit Sin Dap (shawng de Zahkung Ting Ying woi awn ai New Democratic Army-Kachin) ni re.
Bai, nna Lahta Sam mung kaw nga ai J.W n’gawn hpyen hpung ni gaw, Kutkai N’gawn Hpyen (Slg. Hkun Myat woi awn ai), Hpawng Seng N’gawn Hpyen (Slg. Lau Yawng woi awn ai), Mungpaw N’gawn Hpyen (Du Kying Mai hte kanau Du Mun woi awn ai), hte Kawng Hka N’gawn Hpyen (shawng de Mahtu Naw woi awn ai Kachin Defense Army) ni re.
Hpa myi rairai an hte amyu ru sai bung ai Pu gang yang sin machyi ai Wunpawng myu sha ni yawng bai hkrum ga,ra ga,Akyu hpyi nga ga,
