Myusha ni myit mang hkrum wa lu u ga ,n gun jaw hpaji jaw ya ai sara kaba ni a hkrun lam

 Sara Kaba Lahtaw Lahpri a num htet ga No.1 Karai Kasang hpe hkum malap,Uhpung Uhpawng nbung tim Yawng kam sham ai ni hkrai re majaw myit hkrum let shakut nga mu.Tinang Buga Myurusai htung hking hkum malap mu.

Sara Zahkung Zau Ring a num htet ga.Myit hkrum yang mung dan mai lu ai lam,Miwa gumsan mungdan na Sara kaba Duwa Manam Tawng a numhtet ga kaba 3 mungkan ting na Kachin myusha yawng hpe htet shana ai lam tsun dan sai.

Sara Lahpai Zau hpan ( An hte a awng padang mahkawn ka ai sara kaba re)
yawng a lit,Langai sha ngu a Mahkawn nnan hte an hte myu sha ni hpe shagrau kumhpa jaw sai hku re.

SaraKaba Bobby Morse, Sara. Zahkung Zau Ring, Sara Lahpai Zau Hpan a hkrun lam

Ndai sara ni gaw buga de hpyen yen ni hpe garum shingtau nga ai ni re. Shanhte hku n-na Amerika na anhte Kachin myusha ni hpe mung hpyen yen ni hpe garum shingtau ai lam hpe tsun dan mayu ai hku re.

Dai hta n-ga kaga Lisu, Rawang hpu nau ni hpe mung anhte the grau ninawn ai hku bungli rau lu galaw wa hkra garum mayu ai hku re.

Sara kaba ni  a hkrun lam hta anhte WP amyu sha ni yawng hte hkrum zup lu na matu Kachin Alliance hte bawng ban jahkrup let hkawm sa ai lam chye lu ai.

hkrun lam n-tsa lam gaw:

June 2-4- Louisiana
June 5-7- Florida
June 8-9- Georgia
June 10-12- Tennessee
June 13-15- Indianapolis
June 16-17- Michigan
June 18- New York
June 19-21-Virginia
June 22-25- Cincinnati
June 26- Indiana
June 27-28-Illinois
June 29-30- Chicago

June 3 ,2015 shana Louisiana New orlean mare kaba kaw Jinghpaw wunpawng myu sha ni hte hkrum zup sai.

Sara Kaba ni hte Lusha rau jawm sha let hkap tau la sai.

Jinghpaw wunpawng myusha ni a myit hkrum lam hpe lamwoi ya nga ai sara kaba ni hpe
Louisiana Kachin community kaw nna chye ju dum ai masat masa galaw sai.

Anhte Louisiana kaw nga ai Wunpawng myu sha Ni hpe amyu tsaw , myit hkrum na lam , myit sharawt n'gun ga sa shalai ya ai wunpawng mung dan na Sara kaba Ni hte .. N'dai zawn Hkristu a ahkaw ahkang hte lu hkrum la Sai!!! Karai Grau na Jai lang ai Ni rai u ga...

 —photo credit -ah sut

Louisiana kaw nga ai Dr. Lahtaw Naw Lawn re. Jinghpaw mung kaw nga kaba wa ai. Shanglawt rawt malan nnan hpang wa ai ten. Maigan na ni chye na matu shachyen ya ai sara kaba wa re. sara jan mung sarawun re majaw, shan 2 yen grai nrau ma ai.

Ndai sara Kaba ni yawng gaw an hte Chyurum ai Jinghpaw wunpawng myusha ni hpe grai tsaw ai ni rai nga ma ai law..