Wednesday, December 9, 2015

Ma a "WA" shabawng hpyi

Kum Awng

Moi naw kaji ten Ah Nu tsun tsun re ga malai nga ai ,Ma a WA shabawng hpyi da.Wa sat sha ai shaloi ma ni gaw wa shabawng nlu lu hkra hpyi la nna ,gawut shabawng la nna Htawng chyai ,puk chyai re ten nga lai wa saga ai.
Wunpawng Myu sha ni mung masa ahkaw ahkang lu na matu sinat Laknak lang nna hpyi nga ai gaw shaning 60ning daram rai wa nga sai.Myen asuya gaw 2015 Nov 8 ya shani labau shang ra lata poi galaw dat nna ,Myen mung galai shai nga sai kumla mungkan de madun dat sai.Ra lata poi kaw tsep kawp dang la ai NLD mung asuya hpaw ninghtan lu na matu ra ai lam ni hpe galaw nga ding yang rai nga sai.Myen nre ai kaga amyu sha ni hpe ahkaw ahkang jaw nna Federal munghpawm Mungdan gawde na lam tsun nga sai.
Ngai langai hku myit tsang ai gaw,ma a WA shabawng hpyi Wa nrai mat na kun?ngu ai lam rai nga ai.Anhte gaw wa shabawng lu nna ,ginsup,wa shabawng gashun nna ga law hkat,rai nga yang manang ni gaw WA shan hpya sha nna pyaw nga na ma ai.Dai majaw ya na zawn rai mung masa galai wa nga ai ten hta kaji myi re ahkaw ahkang hpe yu nna shada nang shoi nang sha nnga hkat ai sha,anhte a Amyu Sha Hpyen Dap grau n gun ja hkra,mung masa lam grau n gun ja hkra shakut ra na ga ai.